جاڭا بەلەس.
قازاق فايتەرى ولجاس ەسقارايەۆ (10-4) BRAVE CF پروموۋشەنىمەن (باحرەين) ۇزاق مەرزىمدى كەلىسىمشارتقا قول قويدى، دەپ حابارلايدى Almaty-akshamy.kz. Prosports.kz سايتىنا سىلتەمە جاساپ.
اتالعان كەلىسىمشارت ءتورت جەكپە-جەككە ارنالعان. 30 جاستاعى فايتەردىڭ باحرەيندىك پروموۋشەنمەن كەلىسىمشارتقا وتىرۋىنا UNDERDOG Promotions ۇلكەن ءاسنر ەتتى، سونداي-اق OCTAGON 22 BRAVE 53 بىرلەسكەن تۋرنيرىندە ەسقارايەۆتىڭ ءساتتى ونەر كورسەتۋى دە ءرول اتقاردى.
جۋىردا، 21 تامىز كۇنى، وتانداسىمىز الماتىدا وتكەن تۋرنيردە بۇرىنعى BRAVE CF چەمپيونى، برازيليالىق لۋكاس مارتينسپەن كەزدەستى. جەكپە-جەك ەكىنشى راۋندتا ەسقارايەۆتىڭ جەڭىسىمەن اياقتالدى.
ولجاس ەسقارايەۆ BRAVE CF-پەن كەلىسىمشارتقا وتىرعان العاشقى قازاقستاندىق ەمەس. بۇعان دەيىن نۇرجان اقىشيەۆ، ازات ماقسۇم، اسۋ المابايەۆ جانە يليار اسحانوۆ اتالعان پروموۋشەنمەن كەلىسىمشارت جاساسقان.