كۇن سايىن جاسىل ەكونوميكا باسقارماسى مەن پوليسيا دەپارتامەنتىنىڭ قىزمەتكەرلەرى 11 ەكيپاجبەن جولعا شىعادى.
قالا اكىمى باقىتجان ساعىنتايەۆتىڭ تاپسىرماسى بويىنشا الماتىدا كولىكتەردىڭ ەكولوگيالىق نورمالارعا سايكەستىگىن تەكسەرۋ رەيدتەرى جۇرگىزىلۋدە، دەپ حابارلايدى Almaty-akshamy.kz
ەكوپوستتاردىڭ تەستىلىك رەجيمدەگى جۇمىسى بارىسىندا 2550 كولىك تەكسەرىلدى، ونىڭ ىشىندە 1193 كولىك ديزەلدىك وتىنمەن، 1357 بەنزين مەن جۇرسە، 589 كولىكتە پايدالانىلعان گاز مولشەرى قالىپتان اسقان. تەكسەرىلگەن بارلىق كولىكتىڭ 23%-ى - ەكولوگيالىق نورماعا ساي كەلمەيدى.
قۇرىلىس الاڭدارىندا قورشاعان ورتانى قورعاۋ شارالارىن بۇزعان 269 جۇك كولىگى انىقتالدى.
سونىمەن قاتار، «اكىمشىلىك قۇقىقبۇزۋشىلىق تۋرالى» كودەكستىڭ 334-بابىنا سايكەس، ءجۇرىس كەزىندە اۋانى لاستايتىن شىعارىندىلارى مەن شۋى بەكىتىلگەن نورمادان اسىپ تۇسەتىن كولىك پەن وزگە دە جىلجىمالى قۇرالداردى پايدالانعانى ءۇشىن ەسكەرتۋ نەمەسە جەكە تۇلعالارعا ون، زاڭدى تۇلعالارعا 100 ايلىق ەسەپتىك كورسەتكىش كولەمىندە ايىپپۇل قاراستىرىلعان.
سونداي-اق، وسى باپتىڭ 1-تارماعىنا سايكەس، اتالعان قۇقىق بۇزۋشىلىق ءبىر جىلدىڭ ىشىندە تاعى قايتالانعان جاعدايدا جەكە تۇلعالارعا 20، زاڭدى تۇلعالارعا 200 ايلىق ەسەپتىك كورسەتكىش كولەمىندە ايىپپۇل سالىنادى.
ەسكە سالا كەتەيىك، قازىرگى كەزدە الماتىنىڭ كىرە بەرىستەرىندە 19 ەكوپوست ورناتىلدى. قازىرگى تاڭدا ونىڭ 15ء-ى ىسكە قوسىلدى، قالعانى وسى جىلدىڭ اياعىنا دەيىن ىسكە قوسىلادى دەپ كۇتىلۋدە. بارلىق پوستتار ارنايى ولشەۋىش قۇرالدار مەن بەينەباقىلاۋ كامەرالارىمەن جاساقتالعان.
قالالىق پوليسيا دەپارتامەنتى، «اكىمشىلىك قۇقىقبۇزۋشىلىق تۋرالى» كودەكستىڭ 334-بابىنا سايكەس، سوڭعى ون اي ىشىندە 18799 كولىككە قاتىستى جالپى سوماسى 24 876 ملن تەڭگەنى قۇرايتىن اكىمشىلىك حاتتاما تولتىرعان.
مونيتورينگ ەكولوگيالىق نورمالاردىڭ بۇزىلۋى نەگىزىنەن تالعار، قاراساي اۋداندارىنان كەلەتىن كولىكتەردە كوپتەپ بايقالاتىندىعىن كورسەتتى (تالعار، دۋمان، ەشىم پوستتارى).