KIIZ ÚI جانە SALIÝT-1 كوللەكسيالىق مونەتالارى اينالىمعا شىعادى

KIIZ ÚI كوللەكسيالىق مونەتالارى تۋرالى:

نومينالدارى 5 000 جانە 500 تەڭگەلىك كۇمىستەن جاسالعان KIIZ ÚI مونەتالارى «دالا قازىناسى» سەرياسىن جالعاستىرادى. مونەتالاردىڭ ديزاينى كيىز ءۇي كەڭىستىگىنىڭ شەكسىزدىگى مەن ونداعى كوشپەندىلەر الەمىنىڭ ورنىن بىلدىرەدى.

كيىز ءۇي – كوشپەلى تۇركى حالىقتارىنىڭ عاسىرلار بويى قالىپتاسقان ءداستۇرىن ساقتاعان، ۇلتتىق قازىنا سانالاتىن ءداستۇرلى قونىسى. ول ادام مەن دۇنيەنىڭ، كۇندەلىكتى ءومىر مەن مادەنيەتتىڭ ءوزارا بايلانىسىن بەينەلەيدى.

 

مونەتالاردىڭ اۆەرسىندە كيىز ءۇي مەن دالا كەڭىستىگىنىڭ كەلتىرىلگەن بەينەلەرى اياسىندا قازاقستان رەسپۋبليكاسىنىڭ مەملەكەتتىك ەلتاڭباسى ورنالاسقان، جوعارى بولىگىندە –QAZAQSTAN RESPÝBLIKASY جازۋى، تومەنگى بولىگىندە – قازاقستان تەڭگە سارايىنىڭ تاۋار بەلگىسى (لوگوتيپى)، مونەتالاردىڭ نومينالىن بىلدىرەتىن ماسساسى 1 000 گرامدىق مونەتادا – «5 000 TEŃGE»  جانە ماسساسى 31،1  گرامدىق مونەتادا – «500 TEŃGE» دەگەن جازۋ، سونداي-اق مونەتالار دايىندالعان مەتالل، سىناماسى مەن سالماعى تۋرالى مالىمەتتەر بار.

مونەتالاردىڭ ريەۆەرسىندە كيىز ءۇيدىڭ، ونىڭ ىشكى جابدىعىنىڭ بەينەسى مەن كوشپەندى حالىقتاردىڭ ەتنومادەني ءومىرىن ايقىندايتىن تۇرمىستىق زاتتار بەينەلەنگەن جانە KIIZ ÚI جازۋى بار.             

مونەتالار:

- ينتەرفەرەنسيالىق قۇبىلمالىلىق بەينەلەۋ جانە التىن جالاتۋ تەحنولوگياسىن قولدانا وتىرىپ 925/1000 سىنامالى كۇمىستەن، ماسساسى – 1 000 گرامم، ديامەترى – 100 مم، ساپاسى – «proof»، نومينالى – 5 000 تەڭگەلىك، تارالىمى – 350 دانا؛

- ينتەرفەرەنسيالىق قۇبىلمالىلىق بەينەلەۋ جانە التىن جالاتۋ تەحنولوگياسىن قولدانا وتىرىپ 925/1000 سىنامالى كۇمىستەن، ماسساسى – 31،1 گرامم، ديامەترى – 38،61 مم، ساپاسى – «proof»، نومينالى – 5 00 تەڭگەلىك، تارالىمى – 5 000 دانا.

بۇل مونەتالار ولاردىڭ بەلگىلەنگەن قۇنى بويىنشا قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا، سونداي-اق بانك شوتتارىنا ەسەپتەۋ ءۇشىن جانە قازاقستان رەسپۋبليكاسىنىڭ بارلىق بانكىندە اۋدارۋ، ۇساقتاۋ جانە ايىرباستاۋ ءۇشىن قابىلدانۋعا جاتادى.

مونەتالار كادەسىي ورامىندا شىعارىلادى، ولاردىڭ مەملەكەتتىك، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتى بار.

كوللەكسيالىق مونەتالار قازاقستان تەڭگە سارايىندا دايىندالعان.

SALIÝT-1 كوللەكسيالىق مونەتالارى تۋرالى

نومينالى 500 تەڭگەلىك تانتال بار كۇمىستەن، نومينالى 200 تەڭگەلىك مەلحيور قوسپاسىنان جانە نومينالى 100 تەڭگەلىك نەيزيلبەر قوسپاسىنان جاسالعان SALIÝT-1 كوللەكسيالىق مونەتالارى «عارىش» سەرياسىن جالعاستىرادى. مونەتالار بايقوڭىر عارىش ايلاعىنان باسقارىلاتىن الەمدەگى العاشقى «ساليۋت-1» وربيتالىق عارىش ستانسياسىنىڭ ۇشىرىلعانىنا 50 جىل تولۋىنا ورايلاستىرىلعان.

مونەتالاردىڭ سيپاتتاماسى

مونەتا اۆەرسىنىڭ ورتالىق بولىگىندە وتكەن مەن بۇگىننىڭ بايلانىسى رەتىندە ادام مەن عالامنىڭ بىرلىگىن بىلدىرەتىن كومپوزيسيا بەينەلەنگەن. مونەتالاردىڭ وڭ جاعىندا: تانتال ارالاس كۇمىستەن جاسالعان مونەتادا – «500 تەڭگە»، مەلحيور قوسپاسىنان جاسالعان مونەتادا – «200 تەڭگە»، نەيزيلبەر قوسپاسىنان جاسالعان مونەتادا – «100 تەڭگە» نومينالىن بىلدىرەتىن جازۋلارى بار.

تانتال بار كۇمىستەن جاسالعان مونەتاداعى نومينالدىڭ استىندا مونەتا جاسالعان مەتالدى، ونىڭ سىناماسى مەن ماسساسىن بىلدىرەتىن «Ag 925 14،6 g تا 26،8 g» دەگەن جازۋ ورنالاسقان. تومەنگى جاعىندا – قازاقستان تەڭگە سارايىنىڭ لوگوتيپى بار. جيەگىندە اينالدىرا مەملەكەتتىك تىلدە «QAZAQSTAN RESPÝBLIKASY» جانە اعىلشىن تىلىندە «REPUBLIC OF KAZAKHSTAN» دەگەن جازۋمەن كومكەرىلگەن.

مونەتالاردىڭ سىرت جاعىندا (ريەۆەرسىندە) ورتاسىندا «ساليۋت – 1» وربيتالىق عارىش ستانسياسىنىڭ بەينەسى ورنالاسقان. اينالدىرا – مونەتالاردىڭ مەملەكەتتىك تىلدەگى، ورىس جانە اعىلشىن تىلىندەگى اتى، سونداي-اق وقيعانىڭ مەرەيتويلىق داتاسىن بىلدىرەتىن «1971-2021» جازۋى بار. سول جاعىندا – عارىشتان كورىنەتىن جەر بەتىنىڭ بەينەسى. تومەنگى بولىگىندە - اعىلشىن تىلىندەگى BAIKONUR جازۋى بار.

مونەتالار:

- ماسساسى 41،4 گرامم كۇمىستەن جانە تانتالدان (ساقينا – 925 سىنامالى كۇمىستەن، ماسساسى 14،6 گرامم، ديسك – ماسساسى 26،8 گرامم تانتالدان) دايىندالعان، ديامەترى 38،61 مم، «proof» دايىنداۋ ساپاسىمەن، نومينالى 500 تەڭگەلىك، دايىنداۋ تارالىمى – 2500 دانا؛

- من 25 مەلحيور قوسپاسىنان دايىندالعان، ماسساسى 15 گرامم، ديامەترى 33 مم، «proof-like» دايىنداۋ ساپاسىمەن، نومينالى 200 تەڭگەلىك، دايىنداۋ تارالىمى – 10 000 دانا؛

- منس 15-20 نەيزيلبەر قوسپاسىنان دايىندالعان، ماسساسى 11،17 گرامم، ديامەترى 31 مم، «uncirculated» دايىنداۋ ساپاسىمەن، نومينالى 100 تەڭگەلىك، دايىنداۋ تارالىمى – 100 000 دانا.

بۇل مونەتالاردىڭ بارلىعى ولاردىڭ بەلگىلەنگەن قۇنى بويىنشا قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا، سونداي-اق بانك شوتتارىنا ەسەپتەۋ ءۇشىن جانە قازاقستان رەسپۋبليكاسىنىڭ بارلىق بانكتەرىندە اۋدارۋ، ۇساقتاۋ جانە ايىرباستاۋ ءۇشىن قابىلدانۋعا جاتادى.

مونەتالار كادەسىيلىق ورامدا شىعارىلادى، ولاردىڭ مەملەكەتتىك، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتى بار.

كوللەكسيالىق مونەتالار قازاقستان تەڭگە سارايىندا دايىندالعان. مونەتالاردىڭ ساتىلىمعا شىعاتىن كۇنىنە قاتىستى اقپارات قۇب رەسمي سايتىندا قوسىمشا حابارلانادى.