18 ورتا ءبىلىم بەرۋ نىسانىن ىسكە قوسۋ جوسپارلانۋدا.
الماتىدا پارتيانىڭ قالالىق فيليالىنىڭ ساياسي كەڭەسى بيۋروسىنىڭ جانە الماتى قالاسى ءماسليحاتىنداعى AMANAT دەپۋتاتتىق فراكسياسىنىڭ كەڭەيتىلگەن وتىرىسى ءوتتى، وعان ق ر پارلامەنتى ءماجىلىسىنىڭ دەپۋتاتتارى – AMANAT پارتياسى فراكسياسىنىڭ مۇشەلەرى قاتىستى، دەپ حابارلايدى Almaty-akshamy.kz.
وتىرىستا حالىقتىڭ ءومىر ءسۇرۋ جاعدايىن، جول-كولىك ينفراقۇرىلىمىن جانە ەكولوگيالىق احۋالدى جاقسارتۋ، سونداي-اق ءبىلىم بەرۋ جانە مەديسينا وبەكتىلەرىن سالۋ ماسەلەلەرى قارالدى. الماتى قالاسى اكىمىنىڭ ورىنباسارى الىشەر ءابدىقادىروۆ «AMANAT» پارتياسىنىڭ سايلاۋالدى باعدارلاماسىنىڭ 2022 جىلدىڭ ءبىرىنشى جارتىجىلدىعىندا 12 باعىت بويىنشا جۇزەگە اسىرىلۋ بارىسى تۋرالى باياندادى.
ماسەلەن، 2022 جىلى جول كارتاسىنىڭ 148 پۋنكتى ىسكە اسىرىلۋ ساتىسىندا تۇر. بۇگىنگى تاڭدا 45 كم سۋمەن جابدىقتاۋ جانە كارىز جەلىلەرى سالىندى. 2022 جىلى «الماگۇل» قوسالقى ستانسياسىنىڭ قۇرىلىسى اياقتالادى. 138 كم ەلەكتر جانە 17 كم جىلۋ جەلىلەرى جاڭعىرتىلاتىن بولادى.
ال الاداعى ەكولوگيالىق جاعدايدى جاقسارتۋ ماقساتىندا جىل باسىنان بەرى 145 مىڭ كوشەت وتىرعىزىلدى، جىل سوڭىنا دەيىن تاعى 360 مىڭ اعاش وتىرعىزۋ جوسپارلانۋدا. گازبەن جۇرەتىن 300 اۆتوبۋس ساتىپ الىندى. الايدا، پارتيالىقتاردا اۆتوبۋستارىن گازبەن تولتىرۋ قاتىستى سۇراقتار تۋىندادى. الماتىلىقتار تاڭەرتەڭ ايالدامالاردا قوعامدىق كولىك ۇزاق كۇتىپ تۇرادى، ال جقس بەكەتتەرىندە اۆتوبۋستاردىڭ ۇلكەن كەزەگى بايقالۋدا.
قالالىق موبيلدىلىك باسقارماسى وكىلىنىڭ ايتۋىنشا، ءقازىر التى بەكەتتىڭ ەكەۋى عانا جۇمىس ىستەيدى، دەگەنمەن گاز ستانسياسى قۇرىلىسىنىڭ ءتيىستى جوباسىنا قاراجات بولىنگەن.
سونىمەن قاتار، جىل سوڭىنا دەيىن 14 مىڭعا جۋىق وقۋشى ورنىنا ارنالعان 18 ورتا ءبىلىم بەرۋ نىسانىن ىسكە قوسۋ جوسپارلانۋدا. بۇل جوسپارعا 10 750 ورىندىق 11 مەكتەپ، 1 270 ورىندىق 5 قوسىمشا قۇرىلىس، 1 800 ورىندىق 2 عيماراتتى ساتىپ الۋ كىرەدى. ءوز كەزەگىندە ماجىلىسمەن بەكقالي تورعايەۆ بيىل اياقتالۋى ءتيىس 5 مەكتەپتىڭ قۇرىلىسىنا قاتىستى الاڭداۋشىلىق ءبىلدىردى.
«بۇل نىساندار وتكەن جىلدان بەرى وتپەلى بولىپ كەلەدى. سونىڭ ءبىرى – "مادەنيەت" شاعىناۋدانىنداعى مەكتەپ قۇرىلىسى. قۇرىلىس باسقارماسىنىڭ ەسەپتەۋىنشە، مەكتەپ تامىز ايىندا پايدالانۋعا بەرىلەدى. الايدا، نىسانعا بارعاننان كەيىن قۇرىلىس جۇمىستارى باياۋ جۇرگىزىلىپ جاتقانىن كوردىم. مەكتەپتىڭ ينفراقۇرىلىمى مەن اباتتاندىرۋ ماسەلەلەرى دە ەرەكشە باقىلاۋدى تالاپ ەتەدى»، - دەدى بەكقالي تورعايەۆ.
ءتيىستى باسقارمادا كەلىسىمشارتقا سايكەس "مادەنيەت" شاعىناۋداندا مەكتەپ قۇرىلىسى تامىز ايىنىڭ سوڭىنا دەيىن اياقتالاتىنىنا سەندىردى. بۇل ءۇشىن بارلىق تەحنيكا مەن 400-گە جۋىق جۇمىسشى جۇمىلدىرىلعان.
سونداي-اق، دەپۋتات ءمادي احمەتوۆ مەگاپوليستەگى جاستار ماسەلەسىن كوتەردى. اتاپ ايتقاندا، NEET ساناتىنداعى جاستاردى الەۋمەتتەندىرۋ جانە جۇمىسپەن قامتۋدىڭ بەلسەندى شارالارىمەن قامتۋ، جاستار پراكتيكاسى جانە جۇمىس ورىندارىن ەتۋ اشۋ قوزعالدى.
وتىرىستى قورىتىندىلاي كەلە، ماجىلىسمەندەر پارتيانىڭ سايلاۋالدى باعدارلاماسىنىڭ جول كارتاسىن جۇزەگە اسىرۋ پارتيالىقتاردىڭ ەرەكشە باقىلاۋىندا ەكەنىن اتاپ ءوتتى. وسىلايشا، دەپۋتاتتار مەن ساياسي كەڭەس بيۋروسىنىڭ مۇشەلەرى ءاربىر وبەكتىگە بارىپ، جۇيەلى مونيتورينگتى جالعاستىراتىن بولادى.