الماتىدا 1،5 مىڭنان استام موپەد مامانداندىرىلعان ايىپپۇل تۇراعىنا قويىلدى، دەپ حابارلايدى aqshamnews.kz.
الماتى پوليسەيلەرى موپەدتەردىڭ قاتىسۋىمەن بولاتىن جول-كولىك وقيعالارىنىڭ جيىلەپ كەتۋىنە الاڭداۋلى. جول قاۋىپسىزدىگىن قامتاماسىز ەتۋ – ىشكى ىستەر ورگاندارىنىڭ نەگىزگى مىندەتتەرىنىڭ ءبىرى.
"الماتىدا موپەدتەر، ساموكاتتار، سكۋتەرلەر كەڭىنەن پايدالانىلادى. ءبىراق، وكىنىشكە قاراي، كولىكتىڭ بۇل ءتۇرىن جۇرگىزگەن كەزدە جۇرگىزۋشىلەردىڭ كوبى قاراپايىم جول قوزعالىسى ەرەجەلەرىن ساقتامايدى نەمەسە ولاردى ەلەمەيدى. وسىلايشا، ولار جولداردا اپاتتى جاعدايلاردى تۋدىرادى، بۇل كوبىنەسە قايعىلى سالدارعا نەمەسە ادامداردىڭ جاراقات الۋىنا اكەلەدى. وتكەن كۇنگى وسىنداي اپاتتاردىڭ ءبىرى موپەد تىزگىندەگەن 19 جاستاعى ءجاسوسپىرىمنىڭ ولىمىنە اكەلىپ سوقتى"، – دەدى الماتى قالاسى پد جپقب پاترۋلدىك پوليسيا پولكىنىڭ كومانديرى ورالبەك احيموۆ.
سپيكەردىڭ ايتۋىنشا، بيىلعى جىلدىڭ باسىنان بەرى الماتىدا موپەدتەردىڭ قاتىسۋىمەن 523 جول-كولىك وقيعاسى ورىن الىپ، ناتيجەسىندە 535 ادام جاراقات الىپ، 11 ادام قازا تاپتى. جول قوزعالىسى ەرەجەلەرىن بۇزعانى ءۇشىن 19 مىڭنان استام موپەد پايدالانۋشىسى اكىمشىلىك جاۋاپكەرشىلىككە تارتىلدى. مامانداندىرىلعان ايىپپۇل تۇراعىنا 1،5 مىڭنان استام موپەد قويىلعان.
"قۇرمەتتى جۇرگىزۋشىلەر، كولىك قۇرالدارىنىڭ قاۋىپتىلىگى جوعارى. كولىك جۇرگىزۋ كەزىندە جول قوزعالىسى ەرەجەلەرىنىڭ بارلىق تالاپتارىن ورىنداپ، اباي بولۋ كەرەك. بۇل جكو-دان، جاراقات الۋدان جانە ءارتۇرلى قايعىلى سالداردان اۋلاق بولۋعا مۇمكىندىك بەرەدى"، – دەپ ەسكەرتەدى ورالبەك احيموۆ.