شىعىس قازاقستان مامانداندىرىلعان مەديسينالىق ورتالىعىنىڭ دارىگەرلەرى جۇكتىلىكتىڭ سيرەك ءتۇرى بار ايەلگە – جاتىر موينى قۋىسىنا وپەراسيا جاساپ، بالا تۋۋ فۋنكسياسىن ساقتاپ قالدى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
«جاتىردان تىس جۇكتىلىك - سيرەك كەزدەسەدى جانە ءقاۋىپتى اسقىنۋ بولىپ تابىلادى. بۇرىن ەمدەۋدىڭ جالعىز ءادىسى جاتىردى الىپ تاستاۋ بولاتىن. ءقازىر ءبىز جوعارى تەحنولوگيالىق مەديسينالىق كومەك كورسەتىپ، ايەلدىڭ ۇرپاقتى بولۋ اعزاسىن ساقتاپ قالۋدامىز. پاسيەنتتىڭ دەنساۋلىعىنا ءقاۋىپ تونبەيدى، ال بولاشاقتا ول دەنى ساۋ بالا تۋا الادى»، - دەپ اتاپ ءوتتى شق وممو گينەكولوگيا بولىمىشەسىنىڭ مەڭگەرۋشىسى ءاليا قادىربايەۆا.
گينەكولوگيا جانە يننوۆاسيالىق مەديسينا بولىمشەسىنىڭ دارىگەرلەرى عۇمار قادەنوۆ، شىرىن مۇحاماتەقالييەۆا، سونداي-اق اۋرۋحانانىڭ گينەكولوگيا بولىمشەسىنىڭ مەڭگەرۋشىسى ءاليا قادىربايەۆا ەكى كەزەڭدە وپەراسيا جاسادى.
«مەنىڭ ومىرىمە ءقاۋىپ ءتوندى. مەنىڭ وقيعام بۇگىنگى تاڭدا مۇنداي قيىن جاعدايدا ايەلدىڭ الداعى ۋاقىتتا دا باقىتتى انا بولۋعا دەگەن ءۇمىتىن ساقتاپ قالۋ ءۇشىن قازىرگى تاڭدا وسىنداي ماماندار مەن مەديسينالىق تەحنولوگيالاردىڭ بار ەكەندىگىنىڭ جارقىن مىسالى ەكەنىنە سەنىمدىمىن»، - دەپ پاسيەنت دارىگەرلەرگە العىسىن ءبىلدىردى.