الماتىداعى ارباتتا پوليسيا قىزمەتكەرلەرى ءىس-شارا جۇرگىزىپ جاتىر.
تىنىشتىقتى بۇزۋ دەرەكتەرى بويىنشا ارباتقا ىرگەلەس جاتقان ۇيلەردىڭ تۇرعىندارىنىڭ جۇيەلى ارىزدانۋىنان كەيىن قۇقىق بۇزۋشىلىقتى الدىن الۋ بويىنشا پروفيلاكتيكالىق ءىس-شارالار بەلسەندىرىلدى. ءبىراز ۋاقىتتان بەرى جاياۋ جۇرگىنشىلەر ايماعى ازاماتتاردىڭ سۇيىكتى دەمالىس ورنىنا عانا ەمەس، موپەد جۇرگىزۋشىلەرىنىڭ دە باس قوساتىن ورنىنا اينالدى.
ال ءاربىر جينالعاندارى قوعامدىق ءتارتىپتى، ازاماتتاردىڭ تىنىشتىعىن بۇزۋمەن قاتار جۇرەدى. بۇل فاكتورلار جەرگىلىكتى تۇرعىنداردىڭ ورىندى نارازىلىعىن تۋدىرىپ جاتادى.
«كورسەتىلگەن اۋماقتا جاياۋ پاترۋل، ال ىرگەلەس اۋماقتا كولىك پاترۋلدەرى كۇشەيتىلدى. ماقساتتى ءىس-شارا جۇمىستارى باستالعالى پوليسياعا شارا قولدانۋ ءۇشىن 39 موپەد جۇرگىزۋشى جەتكىزىلدى. ولار ق ر اقبتك-نىڭ 437-بابى (تىنىشتىقتى بۇزۋ) جانە ق ر اقبتك-نىڭ 615-بابى (جاياۋ جۇرگiنشiلەردiڭ جانە جول جۇرىسىنە وزگە دە قاتىسۋشىلاردىڭ جول ءجۇرىسى قاعيدالارىن بۇزۋى) بويىنشا جاۋاپكەرشىلىككە تارتىلدى. ەكى اپتا ىشىندە ارباتتان ءبىزدىڭ بولىمشەگە ءتارتىپ بۇزعان بارلىعى 98 موپەد جۇرگىزۋشى جەتكىزىلدى»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
جىلدىڭ باسىنان بەرى قر-نىڭ جول قوزعالىسى ەرەجەلەرىن بۇزعانى ءۇشىن 4 مىڭ 911 موپەد جۇرگىزۋشىسى اكىمشىلىك جاۋاپكەرشىلىككە تارتىلدى.