كومەك «ەڭبەك» مەملەكەتتىك باعدارلاماسى اياسىندا كورسەتىلگەن.
2021 جىلى الماتى قالاسىنىڭ حالىقتىڭ وسال توپتارىن الەۋمەتتىك قولداۋعا 30 ميللياردتان استام تەڭگە ءبولىندى، ونىڭ 14 ميلليارد تەڭگەسى جۇمسالدى. بۇل مالىمەتتەردى الماتى قالالىق الەۋمەتتىك ءال-اۋقات باسقارماسىنىڭ باسشىسى نازيرا توعىزبايەۆا وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ايتتى، دەپ حابارلايدى Almaty-akshamy.kz.
نازيرا توعىزبايەۆانىڭ ايتۋىنشا، جىل باسىنان بەرى 132 مىڭ الماتىلىق الەۋمەتتىك قولداۋ العان. ول كومەك «ەڭبەك» مەملەكەتتىك باعدارلاماسى اياسىندا كورسەتىلىپ جاتقانىن، از قامتىلعان ازاماتتارعا، مۇگەدەكتەرگە قولداۋ كورسەتىلەتىنىن ەسكە سالدى. سونىمەن قاتار، الەۋمەتتىك جوبالار ىسكە اسىرىلۋدا جانە ەڭبەك قاتىناستارى سالاسىندا مەملەكەتتىك باقىلاۋ جۇرگىزىلۋدە.
الماتى قالالىق الەۋمەتتىك ءال-اۋقات باسقارماسىنىڭ باسشىسى «ەڭبەك» باعدارلاماسى اياسىندا جىل سوڭىنا دەيىن 13،8 ملرد ءبولىندى. بۇل قاراجات 24 مىڭنان استام ادامعا جەتۋگە كومەكتەسەدى.
«اعىمداعى جىلدىڭ 7 ايىندا جۇمىسپەن قامتۋ ورتالىعىنا 27 مىڭ ادام جۇگىنگەن. 19 700 ادام جۇمىسپەن قامتۋدى قامتاماسىز ەتۋ بويىنشا بەلسەندى شارالارعا تارتىلدى، 17 900 ادام جۇمىسقا ورنالاستىرىلدى»، - دەدى نازيرا توعىزبايەۆا.
تۇراقتى جۇمىسپەن قامتىلعانداردىڭ ىشىندە مەگاپوليستىڭ 8 700 تۇرعىنى بار، تاعى 9 200 ادام ۋاقىتشا جۇمىسپەن قامتىلدى، 1 100 ادام ءقازىر الەۋمەتتىك جۇمىس ورىندارىندا جۇمىس ىستەيدى، 1 500 ۇمىتكەر جاستار پراكتيكاسىنا جىبەرىلدى. ءبىلىم بەرۋ ۇيىمدارىنىڭ تاعى 800 تۇلەگىن جۇمىسقا ورنالاستىرۋ جوسپارلانۋدا. 6 600 ادام قوعامدىق جۇمىستارعا جىبەرىلدى.
نازيرا توعىزبايەۆا قالا تۇرعىندارىنا جاڭا ماماندىقتاردى ۇيرەتۋ تۋرالى دا ايتتى.
«قىسقا مەرزىمدى كۋرستار بىلىكتىلىگىن جوعالتقان نەمەسە ماماندىعىن وزگەرتكىسى كەلەتىندەرگە ارنالعان. الماتىنىڭ 34 وقۋ ورنىندا 41 ماماندىق بويىنشا 1 مىڭنان استام ادام وقيدى»، - دەدى ۆەدومستۆو باسشىسى.
ءسوزىن جالعاستىرعان ول ەڭبەك نارىعىندا جاس تۇلەكتەردىڭ باسەكەگە قابىلەتتىلىك دەڭگەيى تومەن ەكەنىن اتاپ ءوتتى. سوندىقتان قالادا جاستارعا قاجەتتى جۇمىس داعدىلارىن الۋعا جانە جۇمىسقا بەيىمدەلۋگە كومەكتەسۋگە باعىتتالعان ءبىرىنشى جۇمىس جوباسى ىسكە قوسىلدى. جوبا اياسىندا جۇمىسقا ورنالاسۋ جوسپارلانعان 212 ادامنىڭ 116-سى جۇمىسپەن قامتىلعان.
ايتا كەتەرلىگى، قالا تۇرعىندارى مەن ءوتىنىش بەرۋشىلەر جۇمىسقا ورنالاسۋ ءۇشىن الماتى قالاسىنىڭ جۇمىسپەن قامتۋ ورتالىعىنا حابارلاسا الادى، سونداي-اق enbek.kz ەلەكتروندى ەڭبەك بيرجاسى پورتالىنداعى بوس ورىندار تىزىمىمەن تانىسا الادى.
باسپا ءسوز كونفەرەنسياسىنىڭ سوڭىندا نازيرا توعىزبايەۆا وسى جىلى 757 الماتىلىق 200 ايلىق ەسەپتىك كورسەتكىش كولەمىندە گرانتقا يە بولعانىن، ياعني ءوز بيزنەسىن جۇزەگە اسىرۋعا 583 مىڭ تەڭگە العانىن قوستى. كاسىپكەر بولعىسى كەلەتىندەر نەگىزىنەن تىگىن، اسپازدىق، مانيكيۋر، شاشتاراز جانە باسقا دا قىزمەتتەر بويىنشا جەكە ىستەرىن اشا الادى.