جاڭا قاۋلى: «Ashyq» جوباسىنا قاتىسۋشىلار ءۇشىن قانداي شەكتەۋلەر جويىلدى
قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى ايجان ەسماعامبەتوۆا «Ashyq» جوباسىنا قاتىسۋشىلار ءۇشىن قولدانىستاعى شەكتەۋلەردى جەڭىلدەتۋدى كوزدەيتىن №10 قاۋلىعا قول قويدى، دەپ حابارلايدى almaty-akshamy.kz COVID-19 تارالۋىنا جول بەرمەۋ جونىندەگى ۆاك-0ا سىلتەمە جاساپ.
- بەيتاراپ «كوك» مارتەبەسى بار كەلۋشىلەر ءۇشىن «قىزىل» ايماقتا كوپشىلىك جينالاتىن ورىندارعا – ءۇي-جايلار 70%-عا دەيىن تولعان كەزدە، ويىن-ساۋىق ورتالىقتارىنا، ساۋدا ۇيلەرى مەن ساۋدا جەلىلەرىنە، كورمەلەرگە، كاراوكەگە، تۇنگى كلۋبتارعا، سپورت كەشەندەرىنە، باسسەيندەرگە، سپورتتىق ءىس-شارالارعا، ويىن كلۋبتارىنا، كازينوعا، سونداي-اق سالتاناتتى جيىندارعا، اس بەرۋگە، كوپشىلىك جانە وزگە دە ءىس-شارالارعا بارۋ كەزىندەگى شەكتەۋلەر الىنىپ تاستالدى.
- قىزمەتتىڭ بارلىق تۇرلەرى ءۇشىن «سارى» ايماقتاعى شەكتەۋلەر الىنىپ تاستالدى.
بۇدان باسقا، قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2022 جىلعى 18 اقپانداعى №11 قاۋلىسىمەن قولدانىستاعى كەيبىر قاۋلىلارعا وزگەرىستەر ەنگىزىلدى.
- اۋرۋ بەلگىلەرى بولماعان كەزدە بايلانىستا بولعان ادامداردى ءۇي كارانتينىندە وقشاۋلاۋ الىنىپ تاستالدى.
- «كوميرناتي» (پفايزەر) ۆاكسيناسىن قولدانا وتىرىپ، ۆاكسينالاۋعا جاتاتىن ادامداردىڭ تىزبەسى كەڭەيتىلدى: تىزبەگە ءبىرىنشى، ەكىنشى جانە ءۇشىنشى توپتاعى مۇگەدەكتىگى بار ادامدار جانە ءبىرىنشى كۋرستى اياقتاۋ ءۇشىن، شەتەلدە ۆاكسينانىڭ ءبىرىنشى دوزاسىن العان ادامدار ەنگىزىلدى.
- «كوميرناتي» (پفايزەر) ۆاكسيناسىن قولدانا وتىرىپ، ريەۆاكسينالاۋعا جاتاتىن ادامداردىڭ تىزبەسى كەڭەيتىلدى: تىزبەگە ءبىرىنشى، ەكىنشى جانە ءۇشىنشى توپتاعى مۇگەدەكتىگى بار ادامدار جانە 50 جاستاعى جانە ودان جوعارى جاستاعى ادامدار ەنگىزىلدى.
- قازاقستان رەسپۋبليكاسىنا كىرۋ ءۇشىن قۇجاتتامالىق راستاۋدى ۇسىنۋ كەزىندە ق ر شەكاراسىن كەسىپ وتكەن ساتتە قازاقستان رەسپۋبليكاسىندا ريەۆاكسيناسيا العان نەمەسە ەگەر ەكىنشى كومپونەنتتى العاننان كەيىن التى ايدان اسپايتىن ۋاقىت وتكەن بولسا، COVID-19-عا قارسى ۆاكسينالاۋدىڭ تولىق كۋرسىن العان ادامدارعا؛ قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، قازاقستان رەسپۋبليكاسىنىڭ اۋماعىندا جارامدى دەپ تانىلعان COVID-19-عا قارسى ۆاكسينالاۋ تۋرالى پاسپورتتى/سەرتيفيكاتتى/انىقتامانى ۇسىنعان ادامدارعا پتر-تەست جۇرگىزۋ تالاپ ەتىلمەيدى.
- بىرگە ەرىپ جۇرەتىن ادامداردا «جاسىل» نەمەسە «كوك» مارتەبە بولعان جاعدايدا ولارعا ءبىلىم بەرۋ ۇيىمدارىنا كىرۋگە شەكتەۋلەر الىنىپ تاستالدى.
- كينوزالدارعا تاماق جانە سۋسىن الىپ كىرۋگە قويىلاتىن تىيىم الىنىپ تاستالدى.