جەتىسۋ اۋدانىنىڭ اكىمدىگى مەن وڭىرلىك كوممۋنيكاسيالار قىزمەتى بىرلەسىپ ۇيىمداستىرعان باسپا ءسوز تۋرىندا جۋرناليستەر «گۇلدەر» ساياباعىنداعى اباتتاندىرۋ جۇمىسىمەن تانىستى، دەپ حابارلايدى aqshamnews.kz
اۋدان اكىمى ءلاززات جىلقىبايەۆانىڭ ايتۋىنشا، ساياباقتى جوندەۋ مەن اباتتاندىرۋ جوباسىن ىسكە اسىرۋ 2025 جىلدىڭ 8 مامىرىندا باستالىپتى. جوبانىڭ ماقساتى – اۋدان تۇرعىندارى مەن قوناقتارىنا ارنالعان جايلى ءارى ەكولوگيالىق تازا دەمالىس ايماعىن قۇرۋ. وسىنىڭ اياسىندا كەشەندى كوگالداندىرىپ، ينفراقۇرىلىمدى جاقسارتىپ، اۋماقتىڭ ەستەتيكالىق كەلبەتىن ارتتىرماق. اباتتاندىرۋ جۇمىسى 13 گەكتاردى قامتيدى.
«ءقازىر ءبىز «گۇلدەر» ساياباعىندا تۇرمىز، مۇنداعى جۇمىس قىركۇيەكتە اياقتالادى. بۇل ساياباق جاقىن ماڭداعى شاعىن اۋدان تۇرعىندارىنىڭ سۇيىكتى دەمالىس ورنىنا اينالارىنا سەنىمدىمىز. مۇندا لاۆاندا القاپتارى، سەرۋەندەيتىن جولدار، دەكوراتيۆتى اركالار جاسالىپ، ءۇش توعاندى لوتوس گۇلىمەن، ءتىرى بالىقتارمەن بەزەندىرىپ شىعادى»، – دەدى ءلاززات جىلقىبايەۆا.
سونىمەن قاتار، ساياباق اۋماعىندا بۇرعىلاۋ ارقىلى سۋ شىعاراتىن اۆتوماتتى سۋارۋ جۇيەسى ورناتىلادى.
ساياباققا ادامداردى تارتۋ ءۇشىن فوتواۋماقتار جاسالىپ، پاركتى جاعالاي كامەرا دا ورناتىپ شىقپاق. ءقازىر وسىنداعى تۇراقتى جوندەپ جاتىر، مۇندا قوسىمشا جابدىق ورناتۋدى جوسپارلاپ وتىر.
جوبا اياسىندا جۇزەگە اسىرىلاتىن نەگىزگى ءىس-شارا:
• 2100 م² ءبىرجىلدىق جانە 3200 م² كوپجىلدىق گۇلدەر ەگۋ؛
• ۇزىندىعى 4500 مەتر اۆتوماتتى سۋارۋ جۇيەسىن ورناتۋ؛
• 800 مەتر قورشاۋدى جوندەۋ؛
• 3 گۇل اركاسىن ورناتۋ؛
• 120 دەكوراتيۆتى گۇل تىرەۋىن ورناتۋ؛
• 12 000 م² كوگال ەگۋ؛
• لاۆاندا القابىن جاساۋ؛
• 3 ساندىك توعان سالۋ؛
• 1600 اعاش پەن بۇتا ەگۋ.
اۋدان اكىمدىگىنىڭ حابارلاۋىنشا، وسى جۇمىستىڭ ارقاسىندا «گۇلدەر» ساياباعى گۇلگە تولى جايقالعان وازيسكە اينالىپ، تۇرعىنداردىڭ ءومىر ساپاسىن جاقسارتىپ، اۋداننىڭ ەكولوگياسىن وڭالتۋعا سەپ بولماق.
جوبا قالالىق ورتانى اباتتاندىرۋ باعدارلامالارى اياسىندا ىسكە اسىرىلىپ، الەۋمەتتىك ينفراقۇرىلىمدى نىعايتۋعا، ەكولوگيالىق جاعدايدى جاقسارتىپ، قالالىق ەكوجۇيە قالىپتاستىرۋعا باعىتتالعان.