الماتىدا «جۇرەكتىڭ كوزى اشىلسا» اتتى ادەبي-شىعارماشىلىق كەش ءوتتى

«تەمىرەن» تەاترىنىڭ ارتىستەرى مونو درامادان ءۇزىندى قويدى

اباي كۇنىنە ارنالعان مەرەكەلىك ءىس-شارالاردىڭ لەگى «جۇرەكتىڭ كوزى اشىلسا» اتتى ادەبي-شىعارماشىلىق كەشپەن ءوربىدى. ورتالىق مۋزەي مەن جازۋشىلار وداعى ۇيىمداستىرعان كەشكە بالالار ءۇيىنىڭ تاربيلەنۋشىلەرى مەن ءبىرقاتار زيالى قاۋىم وكىلدەرى قاتىستى، دەپ حابارلايدى Almaty-akshamy.kz Almaty.tv-گە سىلتەمە جاساپ.

 ءىس-شارا اياسىندا «تەمىرەن» تەاترىنىڭ ارتىستەرى مونو درامادان ءۇزىندى قويىپ، كوپشىلىككە اباي مۇراسىنىڭ ءمانىن تانىتتى.  «اباي كۇنى – قازاقتىڭ ىزگىلىك پەن وركەنيەت ورىنە باسقان تاعى دا ءبىر قايىرلى قادامى» دەيدى ۇيىمداستىرۋشىلار.

«اباي اتامىزدىڭ ماڭگىلىك مۇراسىن ناسيحاتتاۋعا ارنالعان يگى شارانى ۇيىمداستىرىپ وتىرمىز. مۇنداعى نەگىزگى ماقساتىمىز –  اباي اتامىزدىڭ دۇنيەگە كەلگەن كۇنى ونىڭ رۋحاني ءومىرىنىڭ ەكىنشى ءومىرىن باستالعاندىعىن كەيىنگى ۇرپاققا ناسيحاتتاۋ، دالەلدەۋ»، – دەدى ق ر مەملەكەتتىك ورتالىق  مۋزەيىنىڭ ديرەكتورى راشيدا حاريپوۆا.

«ابايداي ۇلى تۇلعاسى باردا قازاق ەش ۋاقىتتا اداسپايدى. قانداي تۇماندى كۇنى، قانداي قالىڭ ورماننىڭ ىشىندە ءبىزدىڭ الدىمىزدا شامشىراعىمىز – اباي بار. اباي دانا،اباي دارا ارينە اباي تەك قانا قازاقتىڭ عانا ەمەس، تەك قانا تۇركى تىلدەس حالىقتىڭ ەمەس بۇكىل ادامزاتتىڭ ماقتانىشى»، – دەدى اكتەر، ق ر ەڭبەك سىڭىرگەن قايراتكەرى بولات ءابدىلمانوۆ.