الماتىداعى وقۋشىلار سارايىندا جۇمىسپەن قامتۋ جانە الەۋمەتتىك باعدارلامالار باسقارماسىنىڭ ەڭبەك موبيلدىگى ورتالىعى مەن قالالىق پروكۋراتۋرانىڭ بىرلەسۋىمەن، مەملەكەت باسشىسىنىڭ باستاماسىمەن جاريالانعان جۇمىسشى ماماندىقتارى جىلى اياسىندا جالپىقالالىق بوس جۇمىس ورىندارى جارمەڭكەسى ۇيىمداستىرىلدى.
ءىس-شارانىڭ ماقساتى – حالىقتى جۇمىسپەن قامتۋعا جاردەمدەسۋ، جۇمىسشى ماماندىقتارىنىڭ مارتەبەسىن ارتتىرۋ، سونداي-اق جۇمىس بەرۋشىلەر مەن جۇمىس ىزدەۋشىلەر اراسىندا تىكەلەي بايلانىس ورناتۋعا مۇمكىندىك بەرۋ.
جارمەڭكەگە قۇرىلىس، ونەركاسىپ، ءبىلىم بەرۋ، مەديسينا جانە باسقا دا سالالار بويىنشا 1 247 جۇمىس ورنىنا 221 بوس جۇمىس ورنىن ۇسىنعان 70-تەن استام جۇمىس بەرۋشى قاتىستى.
جارمەڭكەگە كەلگەندەر جۇمىس بەرۋشىلەرمەن تىكەلەي سۇحباتتاسىپ، بوس جۇمىس ورىندارى تۋرالى اقپارات الىپ، جۇمىسپەن قامتۋ جانە كاسىپتىك وقىتۋ باعدارلامالارى جونىندە كەڭەس الدى. اسىرەسە، سۇرانىسقا يە ماماندىقتاردى مەڭگەرگىسى كەلەتىن ازاماتتارعا كاسىبي قايتا دايارلاۋ جانە بىلىكتىلىكتى ارتتىرۋ باعدارلامالارىنا ەرەكشە نازار اۋدارىلدى
مۇنداي ءىس-شارالار حالىقتى جۇمىسپەن قامتۋعا، ەڭبەك الەۋەتىن ارتتىرۋعا جانە جۇمىسشى ماماندىقتارىنىڭ وڭ ءيميدجىن قالىپتاستىرۋعا ىقپال ەتەدى.