الماتىدا جاستار مەن زەينەتكەرلىك جاسقا دەيىنگى ادامداردى جۇمىسپەن قامتۋ قالاي قامتاماسىز ەتىلەدى؟
الماتى قالاسىنىڭ مانساپ ورتالىعىنىڭ باسشىسى ادىلەت جاڭابايەۆ وڭىرلىك كوممۋنيكاسيالار قىزمەتىنىڭ بريفينگىندە الماتىلىقتارعا جۇمىسقا ورنالاسۋدىڭ قانداي شارالارى بار ەكەنىن، سونداي-اق، كاسىپكەرلىكتى دامىتۋ جانە قولداۋ شارالارى قولجەتىمدى ەكەنىن ايتتى، دەپ حابارلايدى اlmaty-akshamy.kz.
كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى شەڭبەرىندە سۋبسيديالاناتىن جۇمىس ورىندارىنا جۇمىسقا ورنالاسۋ ءجۇرىپ جاتىر. ورتالىقتا جاستار مەن 50 جاستان اسقان ادامداردى جۇمىسقا ورنالاستىرۋعا ەرەكشە كوڭىل بولىنەدى.
«جاستار ءۇشىن بۇگىنگى تاڭدا جاستار تاجىريبەسى باعدارلاماسى وزەكتى - بۇل العان ماماندىعى (كاسىبى) بويىنشا باستاپقى جۇمىس تاجىريبەسىن الۋ ماقساتىندا ءبىلىم بەرۋ ۇيىمدارىنىڭ جۇمىسسىز تۇلەكتەرى جۇزەگە اسىراتىن ەڭبەك قىزمەتىنىڭ ءتۇرى. جولدامانى العان ماماندىعى بويىنشا جۇمىس تاجىريبەسى جوق، بەس جىل ىشىندە وقۋىن اياقتاعان 35 جاسقا دەيىنگى جاستار الا الادى. جالاقى 12 ايدان اسپايتىن مەرزىمگە 40 ايلىق ەسەپتىك كورسەتكىشتى - 138 000 تەڭگەنى قۇرايدى،»، - دەپ ءبولىستى سپيكەر.
سونداي-اق، 50 جاستان اسقان جۇمىسسىز ادامداردىڭ ەكونوميكالىق بەلسەندىلىگىن ارتتىرۋعا باعىتتالعان «كۇمىس جاس» جوباسى ىسكە اسىرىلۋدا. ازاماتتاردىڭ بۇل ساناتى ۇيىمدا 36 ايدان اسپايتىن مەرزىمدە جولداما الۋعا مۇمكىندىگى بار. جالاقى ءىشىنارا سۋبسيديالانادى، ياعني جۇمىس بەرۋشى مەن مەملەكەت جالاقىنى بەلگىلەيدى:
- جۇمىستىڭ ءبىرىنشى جىلى (1 ايدان 12 ايعا دەيىن) - بەلگىلەنگەن جالاقى مولشەرىنىڭ 70 % -ىن تولەيدى، ءبىراق 30 اەك-تەن (103 5000 تەڭگە)اسپايدى؛
- جۇمىستىڭ ەكىنشى جىلى (13 ايدان 24 ايعا دەيىن) - جالاقىنىڭ بەلگىلەنگەن مولشەرىنىڭ 65% - ىن تولەيدى، ءبىراق 30 اەك-تەن (103 5000 تەڭگە)اسپايدى؛
- جۇمىستىڭ ءۇشىنشى جىلى (25 ايدان 36 ايعا دەيىن) - جالاقىنىڭ بەلگىلەنگەن مولشەرىنىڭ 60% -ىن تولەيدى، ءبىراق 30 اەك-تەن (103 5000 تەڭگە) اسپايدى.
سونداي-اق، سپيكەر جاپپاي كاسىپكەرلىكتى دامىتۋ اياسىندا 21 جاستان 35 جاسقا دەيىنگى جاستارعا شاعىن نەسيە بەرۋ باعدارلاماسى قاراستىرىلعانىن ەسكە سالدى. قارىز 5 ملن.تەڭگەگە دەيىنگى سوماعا، 5 جىلعا دەيىنگى مەرزىمگە، جىلدىق 2،5% - بەن بەرىلەدى.
«كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. كەپىل رەتىندە رەسپۋبليكانىڭ بۇكىل اۋماعى بويىنشا جىلجىمالى (مامانداندىرىلعان تەحنيكا) جانە جىلجىمايتىن مۇلىك قابىلدانادى. كەپىلمەن قامتاماسىز ەتىلمەگەن جاعدايدا كەپىل بەرۋشىنى (اتا - انالارىن، تۋىستارىن جانە ت.ب.) تارتۋعا بولادى»، - دەپ ءبولىستى ءا. جاڭابايەۆ.
ميكروكرەديتتەر مىنالاردى قوسپاعاندا، كەز كەلگەن ماقساتتارعا بەرىلەدى:
-تۇرعىن ءۇي ساتىپ الۋ، قۇرىلىس نەمەسە جىلجىمايتىن مۇلىكتى جوندەۋ (ونىڭ ىشىندە مالشىلار ءۇشىن ۋاقىتشا/تۇراقتى تۇرعىن ۇيلەردى) جەر ۋچاسكەلەرىن ساتىپ الۋ (كەز كەلگەن نىسانالى ماقساتپەن)؛
- باعالى قاعازداردى ساتىپ الۋ (پورتفەلدىك ينۆەستيسيالار)؛
- ويىن بيزنەسىن ۇيىمداستىرۋ جانە (نەمەسە) دامىتۋ؛
- تەمەكى جانە / (نەمەسە) الكوگول ونىمدەرىن ساتىپ الۋ؛
- كرەديتورلىق بەرەشەكتى وتەۋ؛
- بيزنەستى جۇرگىزۋمەن بايلانىستى ەمەس جەكە تۇتىنۋشىلىق ماقساتتار.«ميكروكرەديت بەرۋ تۋرالى شەشىمدى الماتى قالاسى اكىمدىگىنىڭ جانىنان قۇرىلعان كوميسسيا قابىلدايدى، وعان ءماسليحات دەپۋتاتتارى، مەملەكەتتىك ورگانداردىڭ، «اتامەكەن» كاسىپكەرلەر پالاتاسىنىڭ، بيزنەس-قاۋىمداستىق، بۇقارالىق اقپارات قۇرالدارىنىڭ وكىلدەرى كىرەدى. ۇمىتكەرلەر كوميسسيا وتىرىسىندا وزدەرىنىڭ بيزنەس-جوبالارىن تانىستىرادى، ولار ءوز كەزەگىندە بيزنەس-جوبالاردى باعالاپ جانە ولاردىڭ ىشىنەن نەعۇرلىم باسىمدىعى جوعارىسىن تاڭداپ الادى»، - دەپ تولىقتىردى سپيكەر.
بۇل رەتتە جوبا وزەكتى، دالەلدى، ەكونوميكالىق نەگىزدەلگەن، الەۋمەتتىك ماڭىزى بار، ومىرشەڭ، ناقتى ءىس-قيمىل جوسپارى بولۋى ءتيىس.
وتىنىمدەردى قابىلداۋدى «اگرارلىق كرەديتتىك كورپوراسيا» اكسيونەرلىك قوعامىنىڭ ساتپايەۆ كوشەسى، 5 مەكەنجايى بويىنشا ورنالاسقان قالالىق فيليالى جۇزەگە اسىرادى.
بۇگىنگى تاڭدا كوميسسيا 139 جوبانى قارادى، ونىڭ ىشىندە 113 جوبا ماقۇلداندى، ونىڭ 62ء-سى قارجىلاندىرىلدى.