ەڭبەك موبيلدىلىگى ورتالىعى الماتىلىقتاردى بوس ورىندار جارمەڭكەسىنە شاقىرادى
20 قازاندا الماتىدا ەڭبەك موبيلدىلىگى ورتالىعى جانە الماتىنىڭ مانساپ ورتالىعىنىڭ ۇيىمداستىرۋىمەن بوس ورىندار جارمەڭكەسى وتەدى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ ەڭبەك موبيلدىلىگى ورتالىعىنىڭ جۇمىس بەرۋشىلەردى قولداۋ ءبولىمىنىڭ باسشىسى التىناي جۇكەنوۆا مالىمدەدى، دەپ حابارلايدى اlmaty-akshamy.kz.
«بوس ورىندار جارمەڭكەسىن وتكىزۋدىڭ ماقساتى جاستاردى، ءوزىن-وزى جۇمىسپەن قامتىعانداردى، جۇمىسسىز ازاماتتاردى، سونداي-اق باس بوستاندىعىنان ايىرۋ ورىندارىنان بوساتىلعان جانە پروباسيا قىزمەتىنىڭ ەسەبىندە تۇرعان ادامداردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ بولىپ تابىلادى. جارمەڭكەلەردى وتكىزۋ كومپانيا وكىلدەرىنە ءوز كاسىپورىندارىنىڭ مۇمكىندىكتەرىن تانىستىرۋعا مۇمكىندىك بەرەدى، جۇمىس ىزدەۋشىلەر قىسقا مەرزىمدە پەرسونالدى تاڭداۋعا مۇددەلى جۇمىس بەرۋشىلەرمەن سويلەسە الادى، قىزىقتىراتىن بوس ورىنداردى تاڭداپ، تاڭدالعان بوس ورىنعا ءوتۋ ءۇشىن اڭگىمەلەسۋدەن وتە الادى»، - دەدى ا.جۇكەنوۆا.
جىل باسىنان بەرى بارلىعى 26 بوس ورىندار جارمەڭكەسى وتكىزىلدى، وعان 10553 بوس جۇمىس ورنى بار قالانىڭ 1298 كاسىپورنى مەن مەكەمەسى جانە 27182 ادام قاتىستى. ناتيجەسىندە 500-دەن استام ادام جۇمىسقا ورنالاستىرىلدى، 200-گە جۋىق ادام كاسىپتىك وقىتۋعا جىبەرىلدى.
«ءبىر اي بۇرىن جالپىقالالىق جارمەڭكە وتكىزىلگەنىن اتاپ وتەيىك. جارمەڭكەگە 160-قا جۋىق جۇمىس بەرۋشى قاتىستى، ولار ونەركاسىپتە، وندىرىستە، ساۋدا جەلىلەرىندە، تاماقتانۋدا، مەديسينادا، فارماسيەۆتيكادا، ءبىلىم بەرۋدە 2500-دەن استام بوس جۇمىس ورىندارىن ۇسىندى. 5000 - نان استام ىزدەنۋشى قاتىسىپ، كەڭەس الدى، ونىڭ ىشىندە 1000-نان استام ىزدەنۋشى جۇمىسقا ورنالاسۋعا جولداما الدى، 230 ادام بەلسەندى جۇمىسپەن قامتۋ شارالارىمەن قامتىلدى»، - دەپ ءبولىستى سپيكەر.
بارلىق تۋىنداعان ماسەلەلەر بويىنشا الماتى قالاسىنىڭ مانساپ ورتالىعىنا دوستىق داڭعىلى 85، «الەۋمەتتىك قىزمەتتەر ءۇيى» مەكەنجايى بويىنشا حابارلاسۋ قاجەت. سونىمەن قاتار، قالانىڭ 8 اۋدانىندا ورتالىق ماماندارى ازاماتتاردى قابىلداۋ جانە كەڭەس بەرۋ جۇمىستارىن جۇرگىزەدى.
ءبىرىڭعاي ءنومىرى 310-47-82 بويىنشا call-ورتالىق جۇمىس ىستەيدى. سونداي اق قاجەتتى اقپاراتتى ctm-almaty.kz سايتىنان جانە ورتالىقتىڭ الەۋمەتتىك جەلىلەرىنەن تابۋعا بولادى.