15 بالانىڭ جاعدايى اۋىر.
باس سانيتار ەسماعامبەتوۆا قىزىلشا احۋالى جايلى وسىلاي مالىمدەدى، دەپ حابارلايدى almaty-akshamy.kz
ق ر دەنساۋلىق ساقتاۋ ۆيسە-مينيستر-باس سانيتارلىق دارىگەر ايجان ەسماعامبەتوۆا سەناتتىڭ جالپى وتىرىسىنىڭ كۋلۋارىندا ەلدەگى قىزىلشا اۋرۋىنىڭ احۋالى جايلى ايتتى.
«قىزىلشاعا قاتىستى كوپ اتا-انا بالاسىنا ۆاكسينا سالعانشا، اۋىرىپ شىقسىن دەپ ويلايدى. قىزىلشانىڭ وزىنەن ەمەس، ونىڭ اسقىنۋىنان قورقۋ كەرەك. سەبەبى قىزىلشامەن اۋىرعان بالادا 5-7 جىلدان كەيىن پانەنسەفاليت پايدا بولۋى مۇمكىن. ياعني، جالپاق تىلمەن ايتقاندا مي جويىلىپ كەتەدى. قىزىلشا 5 جاسقا دەيىنگى بالالارعا وتە ءقاۋىپتى. قىزىلشامەن اۋىرىپ شىققان بالا كەم دەگەندە 2 جىل ىشىندە ينفەكسيا اۋرۋلارىن جۇقتىرۋعا بەيىم بولادى. ەكى ءولىم دەرەگى تىركەلدى»، - دەدى ول.
ەسماعامبەتوۆا اتاعانداي، ولار استانا مەن شقو-دا تىركەلگەن.
«ولار - ءبىر جاسقا تولماعان سابيلەر. ياعني ۆاكسيناسيا جاسىنا جەتپەدى. ءبىر بالا شالا تۋعان ءوز پوتولوگياسى بولعان، ونىڭ ۇستىنە قىزىلشا قوسىلعان. ۆاكسيناسيامەن قامتۋ كەزىندە ءبىز 95 پايىز قامتىلدى دەسەك، سونىڭ 5 پايىزىندا وسىنداي سانات بولۋى مۇمكىن. ۇجىمدىق يممۋنيتەت ۆاكسيناسياعا جاتپايتىن بالالاردى ساقتاۋ ءۇشىن كەرەك»، - دەدى ەسماعامبەتوۆا.
ۆيسە-مينيستر 15 بالانىڭ جاعدايى اۋىر ەكەنىن ايتتى.
«ولاردىڭ بارلىعى وڭىرلەردە. دەنساۋلىق ساقتاۋ مينيسترلىگى اربىرەۋىنىڭ جاعدايىن باقىلاۋدا ۇستاپ وتىر»، - دەدى ەسماعامبەتوۆا.