ولاردىڭ ءبىر بولىگى ەلگە قايتىپ كەلدى.
قازاقستاننىڭ 100-دەن استام ازاماتى يزرايلدەن ەلگە قايتۋعا كومەكتەسۋدى سۇرادى، دەپ حابارلايدى Almaty-akshamy.kz
سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا، قازىرگى كەزدە قازاقستاندىقتاردى قاقتىعىس ايماعىنان شىعارۋ شارالارىنا يزرايل، مىسىر مەن يوردانياداعى ەلشىلىكتەر جۇمىلدىرىلىپ وتىر.
“16 قازانداعى جاعداي بويىنشا يزرايلدەگى قازاقستان ەلشىلىگىنە 100-دەن استام قازاقستاندىق ەلدەن كەتۋگە جاردەم كورسەتۋدى سۇرادى. ولاردىڭ ءبىر بولىگى ديپلوماتتاردىڭ كومەگىمەن ەلدەن كەتىپ قالدى. كەشە 19 ازاماتىمىز، سونىڭ ىشىندە ارنايى باعدارلامالار بويىنشا وقىعان 15 بالا ۇشىپ شىقتى”، - دەدى سمادياروۆ بۇگىنگى بريفينگتە.
وسى ورايدا مينيسترلىك وكىلى تەل-اۆيۆتەگى اۋەجاي شتاتتىق رەجيمدە جۇمىس ىستەپ تۇرعانىن اتاپ ءوتتى. كەز كەلگەن ادام بيلەت الىپ، ەلىنە ۇشىپ شىعا الادى.
“بۇعان دەيىن رەپاترياسيالىق رەيس بولعان. ءقازىر ديپلوماتتار قازاقستانعا قايتۋعا جاردەم كورسەتۋدى سۇراعان ازاماتتارعا اۋە بيلەتتەرىن قايتا برونداپ، سول ەلدەن شىعۋعا كومەكتەسىپ ءجۇر. قازاقستان ازاماتتارى اراسىندا جاراقات العان جانە قازا تاپقاندار جوق”، - دەپ اتاپ كورسەتتى سمادياروۆ.