بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن باسپا ءسوز كونفەرەنسياسى بارىسىندا الماتىنىڭ باس سانيتارلىق دارىگەرى جانداربەك بەكشين الماتىلىقتاردىڭ ماسكا رەجيمى مەن باسقا دا سانيتارلىق نورمالاردى ەلەمەيتىنىن اتاپ ءوتتى دەپ حابارلايدىalmaty-akshamy.kz
جانداربەك بەكشيننىڭ ايتۋىنشا، قالادا جرۆي-مەن سىرقاتتانۋشىلىقتىڭ ماۋسىمدىق ءوسۋى جىل سايىن بايقالادى. ءبىراق وتكەن اپتادا عانا الماتى دارىگەرلەرى 10 316 جاعدايدى تىركەدى.
- وتكەن جىلمەن سالىستىرعاندا، ءقازىر جرۆي-مەن اۋىراتىندار ءۇش ەسە كوپ. سونىمەن قاتار، بۇل كورسەتكىش ءار اپتا سايىن ءوسىپ كەلەدى. ناۋقاستاردىڭ 62%-ى بالالار. مەديسينالىق مەكەمەلەرگە بارلىعى 526 ناۋقاس جاتقىزىلدى، ونىڭ ىشىندە 17 جۇكتى جانە ءبىر جاسقا دەيىنگى 165 بالا، - دەدى جانداربەك بەكشين.
الماتى ەپيدەميولوگتارى 1 قازان مەن 10 قاراشا ارالىعىندا ءجرۆي-دىڭ 61 252 جاعدايىن تىركەدى، جۇقتىرعانداردىڭ جارتىسىنان كوبى – بالالار. 176 الماتىلىق پنيەۆمونيامەن اۋرۋحاناعا جاتقىزىلدى، ونىڭ ىشىندە 14 جاسقا دەيىنگى 30 بالا جانە 13 جاسقا دەيىنگى بالالار.
جانداربەك بەكشين كوروناۆيرۋستىڭ جرۆي رەتىندە كورىنەتىنىن ءارى ونىڭ اۋىر زارداپتارعا اكەلۋى مۇمكىن ەكەنىن ەسكە سالدى.
- جرۆي ءوز كەزەگىندە ادامداردى كوروناۆيرۋسقا وسال ەتەدى، سوندىقتان قالا تۇرعىندارى سانيتارلىق-ەپيدەميولوگيالىق قاۋىپسىزدىك شارالارىن جاۋاپكەرشىلىكپەن ساقتاۋى كەرەك. تۇماۋعا جانە كوروناۆيرۋسقا قارسى ۆاكسيناسيا وتە ماڭىزدى. الماتىدا تۇماۋ جۇقتىرعان 5 جاعداي تىركەلدى. ا H3N2 شتاممى قالالىق كلينيكالىق جۇقپالى اۋرۋلار اۋرۋحاناسىنىڭ شولعىنشى ورتالىعىندا جانە ەمحانالاردا انىقتالدى، - دەپ حابارلادى جانداربەك بەكشين.
الماتى قالاسىنىڭ سانيتارلىق-ەپيدەميولوگيالىق دەپارتامەنتى باسشىسىنىڭ ايتۋىنشا، جىل باسىنان بەرى ماۋسىمدىق كوروناۆيرۋسپەن قاتار رينوۆيرۋس، 2 ءتيپتى پاراگريپپ، بوكاۆيرۋس، رينوسينتيسيالدىق ۆيرۋس (رس-ۆيرۋس) جانە ادەنوۆيرۋس – بارلىعى 28 فاكتى انىقتالدى.تۇماۋدىڭ اسقىنۋىنان جانە باسقا ماۋسىمدىق اۋرۋلاردان ساقتاندىرۋ ءۇشىن ۆاكسيناسيادان وتكەن دۇرىس. اسىرەسە، ءقاۋىپ ساناتىنداعىلارعا ۆاكسيناسيا جاساۋ وتە ماڭىزدى.
- تۇماۋعا قارسى ۆاكسيناسيانى بيۋدجەت ەسەبىنەن جۇرگىزۋگە بولادى. تەگىن ەكپەلەردى مەديسينا قىزمەتكەرلەرى، مەديسينالىق باقىلاۋعا جاتاتىن بالالار، ءجيى اۋىراتىن 6 ايدان اسقان بالالار، جەتىم بالالار مەن اتا-اناسىنىڭ قامقورلىعىنسىز قالعان بالالار، سابيلەر ۇيلەرىنىڭ تاربيەلەنۋشىلەرى، مەديسينالىق-الەۋمەتتىك مەكەمەلەردىڭ قىزمەت الۋشىلارى، جۇكتىلىكتىڭ 2ء-شى نەمەسە 3ء-شى تريمەسترىندەگى جۇكتى ايەلدەر، جۇرەك-قانتامىر جۇيەسى مەن تىنىس الۋ ورگاندارىنىڭ سوزىلمالى اۋرۋلارى بار ادامدار، سونداي-اق ەپيدەميولوگيالىق كورسەتكىشتەرى بار ادامدار الا الادى، - دەپ اتاپ ءوتتى جانداربەك بەكشين.
ايتا كەتەرلىگى، بيىل ءقاۋىپ توبىنداعى ادامداردى ۆاكسيناسيالاۋ ءۇشىن 130 000 دوزا كولەمىندە رەسەيلىك ءوندىرىستىڭ «گريپپول پليۋس» تۇماۋعا قارسى ۇشۆالەنتتى ۆاكسيناسى ساتىپ الىندى.
ەگۋدى مەملەكەتتىك ەمحانادا دا، اقىلى نەگىزدە دە بەس جەكە مەديسينالىق ورتالىقتا: IMC، «فارماكوم» ج ش س «ۆاكسيناسيا كلينيكاسىندا»، «سوس-قازاقستان»، «Medical Assistance Group» جانە ينتەرتيچتە الۋعا بولادى.
قازىرگى ۋاقىتتا الماتىدا تۇماۋدان 113 555 قالا تۇرعىنى ەگىلدى، ونىڭ ىشىندە 14 جاسقا دەيىنگى بالالار – 15 907، جۇكتى ايەلدەر – 5479، جۇمىس بەرۋشىلەر ەسەبىنەن 1835 ادام، اقىلى نەگىزدە ءوز قارجىسىمەن – 2782 ادام ەگىلدى.
باسپا ءسوز كونفەرەنسياسى بارىسىندا ج. بەكشين دۇنيەجۇزىلىك دەنساۋلىق ساقتاۋ ۇيىمىنىڭ الداعى كۇزگى-قىسقى ماۋسىمعا ارنالعان بولجامىن ايتتى.
- سولتۇستىك جارتى شاردا ۆيرۋستىڭ ءتورت شتاممى وزەكتى بولادى – A/Guangdong - Maonan/SWL1536/2019 (H1N1) pdm09، a/Hong Kong/2671/2019 (H3N2)، B/Washington/02/2019 (B/Victoria lineage)، B/Phuket/3073/2013 (B/Yamagata lineage)، ولار ددسۇ ۇسىنىسى بويىنشا تۇماۋعا قارسى ۆاكسينا قۇرامىنا ەنگىزىلدى، - دەدى ج. بەكشين. - الماتىدا بار ۆاكسينا الداعى ماۋسىمدا نەعۇرلىم بەلسەندى بولاتىن ۆيرۋستاردان قورعاۋعا ارنالعان، ياعني «گريپپول پليۋس» تۇماۋدىڭ ءتورت تۇرىنەن قورعاۋعا قابىلەتتى.
ءسوزىنىڭ سوڭىندا مەگاپوليستىڭ باس سانيتارلىق دارىگەرى تۇرعىندارعا پروفيلاكتيكالىق شارالاردى ەسكە سالدى، ماسكا تاعۋدى، وكسولين مايىن قولدانۋدى، ناۋقاستارمەن بايلانىسپاۋدى، اۋىرعان جاعدايدا ۇيدە بولۋدى ۇسىندى. ءوز بەتىنشە ەمەس، تەك دارىگەردىڭ نۇسقاۋى بويىنشا ەمدەلۋ قاجەت ەكەنىن اتاپ ءوتتى.