وتاندىق عالىمدار جاتىر موينى وبىرىن انىقتايتىن ەرىتىندى جاساپ شىعاردى

ەرىتىندىنى جاساپ شىعارۋ ءۇشىن عالىمدار 2 جىل جۇمساعان

عالىمداردىڭ ايتۋىنشا، سۇيىقتىقتىڭ قۇرامى قاراپايىم. ساپاسى شەتەلدىك انالوگتان كەم ەمەس. سونىمەن قاتار جەرگىلىكتى عالىمداردىڭ جەتىستىگى بۇل تاۋەلدىلىكتەن قۇتقارىپ، قىرۋار قارجىنى ۇنەمدەۋگە سەپ بولماق، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

«سىرتتان كىرگىزەتىن ەرىتىندىگە كەلسەك، ءبىر فلاكوننىڭ ىشىندە 17-18 مل بولسا، بىرەۋىنىڭ قۇنى بىزدىكىمەن سالىستىرعاندا 10 ەسە قىمبات. ءبىز جاساعان قۇرام بويىنشا وعان ءبىر ارنايى رەاگەنتتەرمەن بىرەۋگە تاۋەلدى دەگەن، ونداي جوق، قاراپايىم قولجەتىمدى رەاگەنتتەردەن دايىندالعان»، - دەيدى ۇجىمدىق قولدانىستاعى ۇلتتىق عىلىمي زەرتحانا مەڭگەرۋشىسى قىدىرموللا اقاتان.

عالىمدارعا كەڭەس بەرىپ كەلگەن وبلىستاعى ونكولوگيالىق ديسپانسەر ماماندارى ەرىتىندىنىڭ تيىمدىلىگىن جوعارى باعالادى. بۇگىندە قاتەرلى ىسىكپەن كۇرەسەتىن دارىگەرلەر جاپپاي سكرينينگتەن وتكىزۋ ءۇشىن وتاندىق ءونىمنىڭ قولدانىسقا ەنگىزىلۋىن كۇتىپ وتىر. ماسەلەن، جىل سايىن شىعىس قازاقستان وبلىسىندا 50 مىڭ ادام جاتىر مويىنى قاتەرلى ىسىگىن ەرتە انىقتايتىن دياگنوستيكادان وتەدى ەكەن.

«تۇراقتاندىرعىش ەرىتىندىنىڭ قولدانۋ اياسىن كەڭەيتۋ ءۇشىن ءبىز قازىرگى ۋاقىتتا ءدال وسىنداي قاسيەتتەرى بار، ياعني فيكساسيالاۋ قاسيەتىنە ءتان وزگە دە بيوماتەريالداردى زەرتتەپ جاتىرمىز. سونىمەن قاتار ونى تاسىمالداۋ ماسەلەسىن دە قاراستىرۋدامىز»، - دەدى ۋنيۆەرسيتەت جانىنداعى ۇلتتىق عىلىمي لابوراتوريانىڭ عىلىمي قىزمەتكەرى ايدانا يماشيەۆا. 

ايتا كەتەيىك، اۆتورلار بۇل ءونىمدى جاپپاي وندىرىسكە ەنگىزۋگە دايىن. نانوونىمگە پاتەنت الىنىپ، ەلىمىزدەگى مەديسينالىق بۇيىمدار رەەستىرىنە ەنگىزىلدى.