وتكەن اپتادا جرۆي جۇقتىرۋدىڭ 13 804 وقيعاسى تىركەلگەن.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ايتتى، دەپ حابارلايدى Almaty-akshamy.kz
قالادا 8860 بالا اۋىرىپ جاتىر، بۇل جالپى ناۋقاستانعانداردىڭ 64،2%-ىن قۇرايدى. جالپى، ەپيدەميولوگيالىق ماۋسىمدا الماتىدا بارلىعى 343 417 جرۆي جاعدايى تىركەلدى.
«جۇرگىزىلگەن زەرتحانالىق مونيتورينگ بارىسىندا الماتىدا ماۋسىمدىق تۇماۋ ۆيرۋسىنىڭ ءۇش ءتۇرى، ونىڭ ىشىندە ەكى ءتۇرى ا (A/H3N2، A/H1N1 pdm09) جانە ۆ ءتيپى اينالىمدا ەكەنى انىقتالدى. تۇماۋ جۇقتىرىپ، ونىمەن اۋىرعاندار 2022 جىلى قازان ايىنىڭ باسىندا تىركەلگەن. سونىمەن قاتار، رس ۆيرۋسى، رينوۆيرۋس، بوكاۆيرۋس جانە ماۋسىمدىق كوروناۆيرۋس سياقتى تۇماۋعا جاتپايتىن باسقا دا جرۆي ۆيرۋستارى اينالىمدا بار»، – دەيدى اسەل توقان قىزى.
تۇماۋدىڭ بارلىعى 240 جاعدايى تىركەلدى، ونىڭ ىشىندە ۆ ءتيپىنىڭ 119 ءتۇرى (49،6%)، ا/ن3N2 ءتۇرى – 3 جاعداي (1،2%)، ا/H1N1-09 ءتۇرى – 118 جاعداي (49،2%). (2021-2022 جىلعى سوڭعى ەپيدەميولوگيالىق ماۋسىمىندا ا/H3N2 ءتيپتى تۇماۋدىڭ بارلىعى 51 جاعدايى تىركەلدى).
ەپيدەميولوگتىڭ ايتۋىنشا، تۇماۋدىڭ الدىن الۋدىڭ ەڭ ءتيىمدى ءادىسى – دەر كەزىندە ۆاۋسيناسيادان ءوتۋ. تۇماۋ ۆيرۋسى جىل سايىن مۋتاسياعا ۇشىراۋدا، سوندىقتان تۇماۋعا قارسى ۆاكسينانى جىل سايىن ەپيدەمياعا دەيىنگى ماۋسىمدا (قازان-قاراشا) تەك سول جىلى وندىرىلگەن ۆاكسينامەن بىرگە الۋ كەرەك.
ۆاكسيناسيادان كەيىن يممۋنيتەت 14 كۇننەن كەيىن قالىپتاسادى جانە ماۋسىم بويى ساقتالادى (1 جىلعا دەيىن). ءقاۋىپسىز جانە ءتيىمدى ۆاكسينالار قولجەتىمدى جانە 60 جىلدان استام ۋاقىت بويى قولدانىلىپ كەلەدى.
ول وتكەن جىلى ءقاۋىپ (تاۋەكەل) توبىنداعى ادامداردى ۆاكسينالاۋ ءۇشىن جەرگىلىكتى بيۋدجەت ەسەبىنەن 210 000 دوزا كولەمىندە رەسەيلىك ءوندىرىستىڭ ءۇش ۆالەنتتى تۇماۋعا قارسى «گريپپول پليۋس» ۆاكسيناسى ساتىپ الىنعانىن ەسكە سالدى.
2022 جىلدىڭ قىركۇيەگى مەن قاراشاسى ارالىعىنداعى ەپيدەمياعا دەيىنگى ماۋسىمدا قالا بويىنشا بارلىعى 224 706 ادام تۇماۋعا قارسى ەگىلدى، بۇل قالا تۇرعىندارىنىڭ 10،51% قۇرايدى، ونىڭ ىشىندە «ءقاۋىپتى توپتاعى» 210 000 ادام ەگىلدى ( ونىڭ ىشىندە مەديسينا قىزمەتكەرلەرى – 230 68، 14 جاسقا دەيىنگى بالالار – 41 337، جۇكتى ايەلدەر – 10 147، جابىق مەكەمەلەر كونتينگەنتى – قارتتار مەن بالالارعا ارنالعان بالالار ۇيلەرى، 2517 قىزمەت الۋشى، مەكتەپ وقۋشىلارى – 21 075، سوزىلمالى اۋرۋلارى بار ەرەسەكتەر – 94 828). جەكەمەنشىك مەديسينالىق ورتالىقتاردا جۇمىس بەرۋشىلەر ەسەبىنەن جەكەمەنشىك مەديسينالىق ورتالىقتاردا بارلىعى 10576 ادام، ءوز قاراجاتى ەسەبىنەن 4130 ادام ەگىلدى.
ۆاكسينا سالدىرعاندار اراسىندا تۇماۋ جۇقتىرۋ جاعدايلارى تىركەلمەگەن.
اسەل قالىقوۆا قازىرگى ۋاقىتتا ەپيدەميولوگتاردىڭ دايىندىعى تۋرالى ايتىپ بەردى. مىسالى، الماتىدا مەديسينالىق ۇيىمداردىڭ مەديسينا قىزمەتكەرلەرى مەن قىزمەت كورسەتۋ ماماندارى ءۇشىن قالالىق سەمينار ءوتتى، مەديسينالىق ۇيىمداردا قوڭىراۋلاردى قابىلداۋ ءۇشىن 140 تەلەفون، ۇيدە كۇتىم جاساۋ ءۇشىن قوسىمشا 142 اۆتوكولىك، قارقىندى تەراپيا كورسەتۋ ءۇشىن رەانيماسيا قۇرالدارىنا 261 ءوجج بار. ءجىتى رەسپيراتورلىق ۆيرۋستىق ينفەكسيالارمەن/تۇماۋمەن اۋىراتىن ناۋقاستار ءۇشىن 431 توسەك-ورىن ورنالاستىرىلدى، 444 توسەك-ورىندى قوسىمشا ورنالاستىرۋ جوسپارلانۋدا، تۇماۋعا قارسى پرەپاراتتاردىڭ قورى تولتىرىلۋدا، ءبىر رەتتىك ماسكالار (1 845 203 دانا) جانە دەزينفەكسيالىق قۇرالدار قورى قۇرىلدى.