وسك توقايەۆ تاعايىنداعان سەنات دەپۋتاتتارىن تىركەدى

كەشە پرەزيدەنت جارلىعىمەن 13 سەناتوردىڭ وكىلەتى توقتاتىلعان بولاتىن.

ورتالىق سايلاۋ كوميسسياسى (وسك) پرەزيدەنت تاعايىنداعان سەناتتىڭ ون دەپۋتاتىن تىركەدى، دەپ حابارلايدى Almaty-akshamy.kz.

«پارلامەنت سەناتىنىڭ دەپۋتاتى رەتىندەگى وكىلەتتەرىڭىز باستالادى. ەلىمىزدىڭ زاڭ شىعارۋ بيلىگىن جۇزەگە اسىراتىن ەڭ جوعارى وكىلدى ورگانى - قازاقستان رەسپۋبليكاسى پارلامەنتىنىڭ دەپۋتاتى بولدىڭىزدار»، - دەدى وسك ءتوراعاسى نۇرلان ءابدىروۆ.

سەنات دەپۋتاتتارىنىڭ كۋالىكتەرى مەن توسبەلگىلەرى تابىستالدى:

جاقىپ اسانوۆ (جوعارعى سوتتىڭ بۇرىنعى ءتوراعاسى)؛

ماۋلەن اشىمبايەۆ (قايتا تاعايىندالدى)؛

نۇرتورە ءجۇسىپ (قايتا تاعايىندالدى)؛

ءلاززات قالتايەۆا (قايتا تاعايىندالدى)؛

اسقار شاكىروۆ (قايتا تاعايىندالدى)؛

ەۆگەنيي بولگەرت (قحا-دان)؛

زاكىرجان كۋزييەۆ (قحا-دان)؛

نۋريا نيازوۆا (قحا-دان)؛

الىشەر ساتۆالدييەۆ (قحا-دان)؛

گەنناديي شيپوۆسكيح (قحا-دان).

2022 جىلعى رەسپۋبليكالىق رەفەرەندۋمدا قازاقستان كونستيتۋسياسىنا وزگەرىستەر مەن تولىقتىرۋلار قابىلداندى. ەندى پرەزيدەنت 15 ەمەس، ون دەپۋتاتتى تاعايىندايدى، ونىڭ بەسەۋى – قازاقستان حالقى اسسامبلەياسىنىڭ ۇسىنىسى بويىنشا.