الماتىدا جرۆي-عا شالدىققانداردىڭ سانى ايتارلىقتاي ازايعان

بۇل دەرتكە شالدىققانداردىڭ 66،9 پايىزى بالالار. 

وتكەن اپتادا الماتىدا ءجىتى رەسپيراتورلىق ۆيرۋستى ينفەكسيانىڭ 3099 جاعدايى تىركەلدى، بۇل ناۋرىز ايىنىڭ سوڭىمەن سالىستىرعاندا 3،76 پايىزعا تومەن، دەپ حابارلايدى Almaty-akshamy.kz قازاقپاراتقا سىلتەمە جاساپ.

قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ اقپاراتىنا قاراعاندا، ءجىتى رەسپيراتورلىق ۆيرۋستى ينفەكسيانى جۇقتىرعانداردىڭ 66،9 پايىزى بالالار. اۋرۋحاناعا بارلىعى 286 ناۋقاس جاتقىزىلدى، ونىڭ ىشىندە 11ء-ى جۇكتى ايەل، 89-ى ءبىر جاسقا دەيىنگى نارەستە.

«اعىمداعى ەپيدەميولوگيالىق ماۋسىم باستالعالى تۇماۋدىڭ 51 جاعدايى تىركەلدى. سونىمەن قاتار، قالادا رەسپيراتورلىق سينسيتيالدى ۆيرۋس، ادەنوۆيرۋس، رينوۆيرۋس جانە كوروناۆيرۋس سياقتى تۇماۋعا جاتپايتىن باسقا جرۆي ۆيرۋستارى اينالىمدا»، - دەپ حابارلادى ۆەدومستۆودان.

2021 جىلى جەرگىلىكتى اكىمشىلىكتىڭ قاراجاتىنا ەرەكشە توپتاعى ادامداردى تۇماۋعا قارسى ەگۋگە 170 926 دوزا «گريپپول پليۋس» ۆاكسيناسى ساتىپ الىندى.

ەسكە سالايىق، قالادا ەكپە سالۋ ماۋسىمى 15 قىركۇيەكتە باستالدى. تۇماۋعا قارسى ۆاكسينانى 184 مىڭنان استام ادام الدى. ونىڭ ىشىندە جەكەمەنشىك مەديسينالىق ورتالىقتاردا جۇمىس بەرۋشىلەر ەسەبىنەن 10 260 ادام، ءوز قاراجاتى ەسەبىنەن 2 973 ادام ەگىلدى.