13-14 قىركۇيەكتە الماتى قالاسىندا پوليسيا قىزمەتكەرلەرى رەسپۋبليكالىق “جولدا قابىلداۋ” اكسياسىنىڭ كەزەكتى كەزەڭىن وففلاين رەجيمدە وتكىزىپ جاتىر، دەپ حابارلايدى aqshamnews.kz Polisia.kz-كە سىلتەمە جاساپ.
اكسيا ازاماتتارعا جول قوزعالىسى قاۋىپسىزدىگىن قامتاماسىز ەتۋ جانە ونىڭ ىشىندە بالالاردىڭ جول-كولىك جاراقاتىنىڭ الدىن الۋ سالاسىندا كونسۋلتاتيۆتىك-قۇقىقتىق كومەك كورسەتۋگە باعىتتالعان. ناۋقاندى ۇيىمداستىرۋشىلار تۇسىندىرگەندەي، حالىقپەن ءوزارا ءىس-قيمىل جەرگىلىكتى پوليسيا قىزمەتى مەن كوشى-قون قىزمەتى، سونداي-اق اكىمشىلىك پوليسيا بويىنشا ازاماتتاردى تولعاندىراتىن پروبلەمالىق ماسەلەلەردى تالقىلاۋ تۇرىندە جۇزەگە اسىرىلادى.
– اكسيا الماتىدا ورتاشا ەسەپپەن 50 مىڭنان استام ادامدى قۇرايتىن موپەدتەر مەن ساموكاتتاردى پايدالانۋشىلار اراسىندا قۇقىقتىق ءتۇسىندىرۋ جۇمىستارىن جۇرگىزۋگە باعىتتالعان. ولاردىڭ ءتارتىبى مەن مادەنيەتى جالپى اپاتتىق جاعدايعا ايتارلىقتاي اسەر ەتەدى. بيىلعى جىلدىڭ باسىنان بەرى الماتىدا موپەدتەردىڭ قاتىسۋىمەن 523 جول-كولىك وقيعاسى تىركەلىپ، ناتيجەسىندە 535 ادام جاراقات الىپ، 11 ادام قازا تاپتى. ال شاھاردا ساموكاتتاردىڭ قاتىسۋىمەن 69 اپات ورىن العان. ونىڭ ىشىندە 75 ادام زارداپ شەكتى، – دەدى الماتى قالالىق اكىمشىلىك پوليسيا باسقارماسىنىڭ باستىعى اسحات قۇلبايەۆ.
ەستەرىڭىزگە سالا كەتەيىك، الماتىدا “جولدا قابىلداۋ” ءموبيلدى پوليسيا بەكەتتەرى كەلەسى مەكەنجايلار بويىنشا ورنالاسقان: – اتاكەنت ءىىو (الماتى ق.، بوستاندىق اۋدانى، تيميريازيەۆ ك-سى، 42). – ورتالىق دەمالىس ساياباعى (الماتى قالاسى، مەدەۋ اۋدانى، گوگول ك-سى، 1).