الماتى قالاسىندا كوپدەڭگەيلى اۆتوتۇراقتار سالۋ، دەپ حابارلايدى aqshamnews.kz. الماتى قالاسىنىڭ قالالىق موبيلدىك باسقارماسىنا سىلتەمە جاساپ.
باسقارمانىڭ مالىمەتىنشە، بۇگىندە قالادا:
-
تروتۋارلىق ۇلگىدەگى اۆتوتۇراقتاردا – 12 مىڭ كولىك ورنى،
-
الاڭدىق ۇلگىدەگى اۆتوتۇراقتاردا – 6 مىڭ كولىك ورنى جۇمىس ىستەپ تۇر.
2024 جىلى قوسىمشا 12 مىڭ كولىك ورنىنا ارنالعان تروتۋارلىق اۆتوتۇراقتار ءۇشىن جەر ۋچاسكەلەرىن تىركەۋگە قۇجاتتار «ازاماتتارعا ارنالعان ۇكىمەت» مەملەكەتتىك كورپوراسياسىنا تاپسىرىلعان. قازىرگى تاڭدا بۇل ۋچاسكەلەردى رەسمي تىركەۋ جۇمىستارى اياقتالۋعا جاقىن.
— وسىلايشا، 2025 جىلدىڭ سوڭىنا دەيىن الماتىداعى كوممۋنالدىق اۆتوتۇراقتار سانى 30 مىڭ كولىك ورنىنا دەيىن ۇلعايتىلادى، — دەپ مالىمدەدى باسقارما.
سونداي-اق، 2025 جىلعا كەلەسى جۇمىستار جوسپارلانعان:
-
«كوكتەم-3» شاعىن اۋدانىندا كوممۋنالدىق كوپدەڭگەيلى پاركينگ قۇرىلىسىن اياقتاۋ؛
-
«بارلىق» بازارى ماڭىندا كولىك-اۋىسپالى توراپ (كات) جوباسىنا مەملەكەتتىك ساراپتامانىڭ وڭ قورىتىندىسىن الۋ.
قالالىق موبيلدىك باسقارماسى اۋدانداردىڭ اكىمدىكتەرىمەن بىرلەسىپ، جاڭا كوپدەڭگەيلى پاركينگتەر سالۋعا ارنالعان جەر تەلىمدەرىن ىزدەۋ جانە قاراستىرۋ جۇمىستارىن جۇرگىزىپ جاتقانىن اتاپ ءوتتى.
بارلىق جوبالاۋ، قۇرىلىس جانە پايدالانۋ پروسەستەرى قولدانىستاعى نورماتيۆتىك قۇجاتتارعا، اتاپ ايتقاندا، ق ر قن 3.03-05-2014 "اۆتوتۇراقتار" نورماسىنا سايكەس جۇرگىزىلەدى.