الماتى اكىمى ب. ساعىنتايەۆتىڭ توراعالىعىمەن وتكەن اپتا سايىنعى اپپاراتتىق كەڭەستە Nur Otan پارتياسىنىڭ سايلاۋالدى باعدارلاماسىن ورىنداۋ جونىندەگى «جول كارتاسىنىڭ» ارالىق قورىتىندىلارى، حالىق ساناعىنىڭ بارىسى، جولدار مەن قوعامدىق كەڭىستىكتەردىڭ جاعدايى قارالدى
«جول كارتاسىن» ورىنداۋ اياسىندا «ەكونوميكالىق ءوسۋ» باعىتى بويىنشا 187 ملرد تەڭگە سوماسىنا 21 ينۆەستيسيالىق جوبا ىسكە اسىرىلدى. جىل سوڭىنا دەيىن 186،7 ملرد تەڭگەنىڭ تاعى 21 جوباسىن ىسكە قوسۋ جوسپارلانىپ وتىر. ءى جارتىجىلدىقتىڭ قورىتىندىسى بويىنشا الماتىنىڭ ءجوو نكي 105،5%-دى قۇرادى، ال كولەمى – 5،8 ترلن تەڭگە، دەپ حابارلايدى Almaty-akshamy.kz
جىل باسىنان بەرى 53،1 مىڭ جاڭا جۇمىس ورنى قۇرىلدى، بۇل ءىى توقساننىڭ قورىتىندىسى بويىنشا جۇمىسسىزدىق دەڭگەيىن 5،3%-دان 5،1%-عا دەيىن تومەندەتۋگە مۇمكىندىك بەردى. ورتاشا ايلىق جالاقى 296 مىڭ تەڭگەنى قۇرادى.
«شەتسىز قالا» قاعيداتىن ىسكە اسىرۋ اياسىندا 24 شاعىن اۋداندا 36،5 مىڭ ءۇيدى قامتيتىن 92 كم سۋ قۇبىرى جانە 77 كم كارىز جەلىلەرى تارتىلدى. ناتيجەسىندە قالا تۇرعىندارىنىڭ 98،4%-ى ساپالى اۋىز سۋمەن قامتاماسىز ەتىلدى. سونداي-اق، جىل باسىنان بەرى 518 كوشە جارىقتاندىرىلدى. جىل سوڭىنا قاراي كوشەلەردى تولىق جارىقتاندىرىلاتىن بولادى. تابيعي گاز جەلىلەرى 99،2%-عا دەيىن قولجەتىمدى.
قالا اكىمى باقىتجان ساعىنتايەۆ پارتيانىڭ «جول كارتاسىنا» ەنگىزىلگەن جوبالاردىڭ ىسكە اسىرىلۋ مەرزىمىنە باقىلاۋدى كۇشەيتۋدى تاپسىردى.
حالىق ساناعىنا كەلەتىن بولساق، قازىرگى ۋاقىتتا ونلاين جانە وفلاين فورماتتا 2 089 540 رەسپوندەنت قامتىلدى. بۇل قالا حالقىنىڭ اعىمداعى سانىنىڭ 104،19% قۇرايدى. ونلاين-فورمات 21 قازاندا جاڭارتىلدى. ساناق ناۋقانى 30 قازانعا دەيىن جالعاسادى.
ەرەكشە نازار اۋدارىلاتىن جولدار مەن قوعامدىق كەڭىستىكتەردىڭ جاعدايى جەكە قارالدى. قالانىڭ كوشە-جول جەلىسىنىڭ جالپى ۇزىندىعى – 3097 كم، ونىڭ 299 كم قاتتى جابىنى جوق. جاقسى جانە قاناعاتتانارلىق جاعدايداعى جولداردىڭ ۇلەسىن 80%-دان 83%-عا دەيىن ارتتىرۋ ماقساتىندا جاڭالارىن جوندەۋ جانە سالۋ جۇمىستارى جۇرگىزىلۋدە.
جىل باسىنان بەرى جالپى اۋدانى 214 مىڭ ش.م. جولداردا اعىمداعى جوندەۋ جۇمىستارى جۇرگىزىلدى، 31 كم تروتۋار، 65 ايالداما الاڭى جوندەلدى. قىسقى كەزەڭدە شۇڭقىرلاردى جوندەۋ ءۇشىن 5 بىرلىك ارنايى تەحنيكا – تەرموس-بۋنكەرلەر ساتىپ الىندى، 200 توننا ارنايى قىسقى اسفالت دايىندالدى.
ۇزىندىعى 201،1 كم جوسپارلانعان 206 كوشەنىڭ 197 كوشەسىنە ورتاشا جوندەۋ جۇمىستارى جۇرگىزىلدى، قالعان 9 كوشە بويىنشا جۇمىستاردى قازان ايىنىڭ سوڭىنا دەيىن اياقتاۋ جوسپارلانۋدا.
جاندوسوۆ كوشەسى بويىنداعى BRT جەلىلەرى سۇلەيمەنوۆ كوشەسىنەن ۇلكەن الماتى وزەنىنە دەيىن، تاۋسامالى شاعىن اۋدانىنداعى قونايەۆ كوشەسى ياسساۋي كوشەسىنەن رىسقۇلوۆ كوشەسىنە دەيىن رەكونسترۋكسيالانۋدا.
التى شاعىن اۋداندا (شاڭىراق-5، نۇرشاشقان، سامعاۋ، المەرەك، قايرات، وجەت) جولداردى سالۋ مەن كۇردەلى جوندەۋ اياقتالدى. تاعى ەكەۋىندە (قۇرامىس، دۋمان) جۇمىستى قاراشا ايىندا اياقتاۋ جوسپارلانۋدا.
ب. ساعىنتايەۆتىڭ تاپسىرماسى بويىنشا جوسپارلانعان جۇمىس كولەمى اياقتالۋى ءتيىس.
رەكرەاسيالىق ايماقتاردى قۇرۋ ماقساتىندا جاڭا قوعامدىق كەڭىستىكتەردى جوندەۋ جانە سالۋ جۇرگىزىلۋدە. سوڭعى 2 جىلدا 84 نىسان ىسكە قوسىلدى. اتاپ ايتقاندا، اعىمداعى جىلى «ماياك» توعايى، كوكمايسا شاعىن اۋدانىنداعى «ەسەنتاي» وزەنىنىڭ جاعالاۋى، تاۋ قىرات شاعىن اۋدانىنداعى ۋچاسكە، «جاربۇلاق» جانە «تىكساي» وزەندەرىنىڭ ارنالارى اباتتاندىرىلۋدا.
سەلدەن قورعاۋ بوگەتىنەن №1 تۇندىرعىشقا دەيىن ۇلكەن .الماتى وزەنىنىڭ سۋ قورعاۋ بەلدەۋى مەن ارناسىن رەكونسترۋكسيالاۋ جۇرگىزىلەتىن بولادى. 15 نىسان بويىنشا جوبالار ازىرلەنۋدە. سونىڭ ىشىندە، الاتاۋ اۋدانىنداعى وجەت شاعىن اۋدانىنداعى توعان بويىنداعى جانە بورالداي وزەنىنىڭ بويىنداعى جاسىل ايماقتار اباتتاندىرىلادى. سونىمەن قاتار، مەدەۋ اۋدانىنىڭ الاتاۋ شاعىن اۋدانىنداعى يبراگيموۆ كوشەسىنىڭ بويىنا سكۆەر سالۋ قاراستىرىلعان. ناۋرىزباي اۋدانىنداعى قارعالى وزەنىنىڭ جاعالاۋىن، ۇاك سولتۇستىگىن جانە الاتاۋ اۋدانىنداعى جاڭا ساين كوگالداندىرۋ جوسپارلانۋدا.
ب. ساعىنتايەۆ جاڭا الماتىنىڭ قالاعا قوسىلعان شاعىن اۋداندارىندا جايلى قوعامدىق كەڭىستىك قۇرۋدىڭ ماڭىزدىلىعىن اتاپ ءوتتى. تۇرعىندار بالالارعا ارنالعان ويىن جانە سپورت الاڭدارىن قۇرا وتىرىپ، ساياباقتار مەن دەمالىس ورىندارىن سالۋ قاجەتتىلىگى تۋرالى بىرنەشە رەت ءوتىنىش ءبىلدىردى. سوندىقتان مەگاپوليس اكىمى جوبالاردى ازىرلەۋ جانە ىسكە اسىرۋ كەزىندە قالا تۇرعىندارىنىڭ پىكىرلەرى مەن تىلەكتەرىن ەسكەرۋدى تاپسىردى.