الماتىدا بۇگىن، رايىمبەك داڭعىلىنىڭ بويىندا ءۇش اۆتوبۋس پەن جەڭىل كولىكتىڭ قاتىسۋىمەن ءىرى جول اپاتى بولدى، دەپ حابارلايدى اlmaty-akshamy.kz.
كۋاگەرلەردىڭ سوزىنە سەنسەك، ءبىرىنشى اۆتوبۋستىڭ جۇرگىزۋشىسى تەجەگىشتى بىردەن باسقان. ارتىندا كەلە جاتقان اۆتوبۋستىڭ جۇرگىزۋشىسى مۇنداي جاعدايدى كۇتپەگەن بولۋى كەرەك، تەجەگىشتى باسىپ ۇلگەرمەي الدىڭعى اۆتوبۋستىڭ ارتىنان سوققان. ءۇشىنشى كەلە جاتقان اۆتوبۋستىڭ جۇرگىزۋشىسى كولىگىن شالت بۇرىپ، سوقتىعىسقان كولىكتەردەن اينالىپ وتپەك بولعان. ءبىراق، جانىندا كەتىپ بارا جاتقان جەڭىل كولىكتى سوعادى. وسىلايشا جول-كولىك وقيعاسى ورىن العان.
كۋاگەردىڭ ايتۋىنشا، بىرنەشە ادام زارداپ شەككەن. جولاۋشىلاردىڭ ءبىرىنىڭ اياعى سىنعان.
وقيعا ورنىنا پوليسيا مەن دارىگەرلەر كەلىپ ۇلگەردى. الدىن الا مالىمەت بويىنشا، 15 ادام زارداپ شەككەن.
