بالا ءدىن امان.
الماتىدا جوعالىپ كەتكەن 10 جاستاعى گەنناديي راگۋتكو تابىلدى، دەپ حابارلايدى Almaty-akshamy.kz.
قالالىق پوليسيا مالىمەتى بويىنشا، بالا ءدىن امان.
«بالا امان-ەسەن تابىلدى. بەلگىلى بولعانداي، ول تانىستارىنىڭ ۇيىنە قونعان. بۇل اقپاراتتى تەكسەرىپ جاتىرمىز. ءقازىر بالا اكەسىنىڭ جانىندا»،- دەدى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك.
بۇعان دەيىن الماتى پوليسياسى 10 جاستاعى گەنناديي راگۋتكو 10 مامىر كۇنى تۇسكى ساعات 12:00 شاماسىندا ۇيىنەن شىعىپ، سودان ورالماعانىن حابارلاعان بولاتىن. پوليسيا مالىمەتىنە سايكەس، وقۋشى بالا بۇعان دەيىن دە اتا-اناسىن ەسكەرتپەستەن ۇيىنەن كەتىپ قالعان ەكەن.