الماتى قالاسى الاتاۋ اۋدانىنىڭ حالىققا قىزمەت كورسەتۋ ورتالىعىنىڭ قىزمەتكەرلەرى الداعى رەفەرەندۋم تۋرالى اقپاراتتاندىرىلدى
ولارعا رەسپۋبليكالىق جانە قالالىق شتابتىڭ مۇشەلەرى - AMANAT پارتياسىنىڭ دەپۋتاتتارى جۇلدىز سۇلەيمەنوۆا، قالي سارسەنباي، ءاسيا اقانوۆا جانە پارتيانىڭ الماتى شتابىنىڭ باسشىسى مەيىرجان وتىنشييەۆ ەلىمىزدىڭ اتا زاڭىنا ەنگىزىلەتىن تۇزەتۋلەر تۋرالى ايتىپ بەردى، دەپ حابارلايدى Almaty-akshamy.kz
«بۇگىن ءبىز الاتاۋ اۋدانىنىڭ حالىققا قىزمەت كورسەتۋ ورتالىعىندا ورتالىقتىڭ وزىنە كەلگەن قىزمەتكەرلەر مەن ازاماتتار ءۇشىن رەفەرەندۋم جانە كونستيتۋسيالىق رەفورمالار بويىنشا ءتۇسىندىرۋ جۇمىستارىن جۇرگىزدىك. نەگىزگى ماقساتتاردىڭ ءبىرى - كونستيتۋسيالىق رەفورمالار ءبىزدىڭ مەملەكەتىمىزدىڭ بولاشاعى ءۇشىن جانە ءاربىر ازامات ءۇشىن ماڭىزدى پروسەسس ەكەنىن ءتۇسىندىرۋ، ونىڭ مازمۇنىن الداعى وزگەرىستەر مەن باپتار تۋرالى ءتۇسىندىرۋ بولدى. الماتىلىقتار تاراپىنان كوپتەگەن سۇراقتار بولدى. بۇل الەۋمەتتىك ماسەلەلەر، ينكليۋزيۆتى ءبىلىم بەرۋ ماسەلەلەرى، سونداي-اق كورنەكى مازمۇننىڭ سانىن ارتتىرۋ بويىنشا ۇسىنىستار، ويتكەنى ماتىندىك فورماتتا ۇلكەن ماتەريالدى قابىلداۋدا قيىندىقتار بار. ءبىز ءوز قۇزىرەتىمىز اياسىندا ءتۇسىندىرۋ جۇمىستارىن جۇرگىزدىك. بارلىق ماسەلەلەر مەنىڭ جەكە باقىلاۋىمدا بولادى"، - دەدى پارتيانىڭ ماجىلىستەگى دەپۋتاتتىق فراكسياسىنىڭ مۇشەسى ج.سۇلەيمەنوۆا.
پارتيالىقتار ەڭ ماڭىزدى ماسەلە سۋپەرپرەزيدەنتتىك باسقارۋدان پرەزيدەنتتىك باسقارۋعا كوشۋ ەكەنىن اتاپ ءوتتى.
«الداعى رەفەرەندۋم - مەملەكەتىمىزدىڭ بولاشاعىن ايقىندايتىن تاريحي پروسەسس. كونستيتۋسياعا ۇسىنىلىپ وتىرعان تۇزەتۋلەردىڭ ەل ءۇشىن ماڭىزى زور، ولار ءقازىر بەلسەندى ترانسفورماسيا كەزەڭىنە ءوتىپ جاتقان قوعامعا باعدارلانعان. وسى ورتاق ىستە ءبىز قازاقستاندىقتار رەتىندە ءوزىمىزدىڭ ازاماتتىق ۇستانىمىمىزدى كورسەتۋىمىز كەرەك»، - دەپ اتاپ ءوتتى الماتى قالاسى ءماسليحاتىنىڭ دەپۋتاتى قالي سارسەنباي.
سونداي-اق، ازاماتتار اماناتتىقتارعا مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋ، سونداي-اق پەداگوگتارعا ارنايى مەديسينالىق قىزمەتتەر كورسەتۋ جانە ساقتاندىرۋ ماسەلەلەرى بويىنشا سۇراقتار قويدى.
كۇن سايىن حالىقپەن ءوزارا ءىس-قيمىل جاسايتىن حقكو قىزمەتكەرلەرى وسى جىلعى 5 ماۋسىمعا جوسپارلانعان رەفەرەندۋمنىڭ ماقساتى مەن ءمانىن تۇسىندىرگەنى ءۇشىن العىسىن ءبىلدىرىپ، كەزدەسۋ بارىسىندا الىنعان اقپارات ولارعا مەملەكەتتىك قىزمەتتەردى الۋ بارىسىندا كەلۋشىلەردىڭ رەفەرەندۋم بويىنشا قوياتىن سۇراقتارىنا دۇرىس جاۋاپ بەرۋگە كومەكتەسەتىنىن جەتكىزدى.
