ايشا تيمۋر امان-ەسەن تابىلدى
ەرىكتىلەردىڭ كومەگىنىڭ ارقاسىندا بۇگىن تاڭەرتەڭ جوعالىپ كەتكەن 9 جاسار وقۋشى قىز امان-ەسەن تابىلدى، دەپ حابارلايدى Almaty-akshamy.kz.
– قىز تروللەيبۋستان تابىلدى. ول كۇنى بويى قوعامدىق كولىكتە جۇرگەن بولۋى دا مۇمكىن. ءبىز باسقا جاعدايلاردى مىندەتتى تۇردە انىقتايمىز. ەڭ باستىسى - بالادا ءبارى جاقسى. پاترۋلدىك پوليسيا قىزمەتكەرلەرى ونى اتا-اناسىنا تاپسىردى. ءوز كەزەگىندە الماتى قالاسىنىڭ پوليسياسى قىزدى تابۋعا جان-جاقتى كومەك كورسەتكەن قامقور ازاماتتارعا شەكسىز العىسىن بىلدىرەدى، - دەدى الماتى قالاسى پد جپقب يۋۆەنالدى پوليسيانىڭ باستىعى جاننا شونجانوۆا.