الماتىدا جىگىت ەكىنشى كەزدەسۋدە 19 جاستاعى قىزدى ءولتىرىپ، دەنەسىن لاقتىرىپ كەتكەن، - دەپ حابارلايدى Aqshamnews.kz ءتىلشىسى.
الماتىدا 22 جاستاعى جىگىت ەكىنشى كەزدەسۋدە 19 جاستاعى بويجەتكەندى پىشاقتاپ ولتىرگەنى ءۇشىن سوتتالدى. قىلمىس ءۇشىن الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قايرات اناروۆقا 12 جىل باس بوستاندىعىنان ايىرۋ جازاسىن تاعايىندادى.
قايعىلى تانىستىق قالاي باستالدى؟
وقيعا وتكەن جازدا بولعان. تاراز قالاسىنىڭ تۋماسى قايرات اناروۆ الماتىعا كەلىپ، “دايۆينچيك” جەلىسى ارقىلى تۇركىستاننان كەلگەن 19 جاستاعى ارۋنامەن تانىسقان. قىز نارحوز ۋنيۆەرسيتەتىنىڭ 2-كۋرس ستۋدەنتى بولعان. العاشقى كەزدەسۋدە ەكەۋى كولىكپەن قالانى ارالاعان، سودان سوڭ تاعى دا كەزدەسۋگە كەلىسكەن.
ەكىنشى كەزدەسۋدە دە ولار كولىكتە وتىرعان كەزدە سوزگە كەلىسپەي قالعان. تەرگەۋ دەرەگىنشە، قىز تەلەفونىنا ءجيى حابارلاسىپ، بىرەۋمەن جازىسقان. وسىعان اشۋلانعان قايراتقا ارۋنانىڭ سوزدەرى اۋىر تيگەن. ول ءوزىن ەسكورتپەن اينالىساتىنىن ايتقاننان كەيىن، ەر ادام قىزدىڭ اتا-اناسىن بالاعاتتادى دەگەنگە اشۋلانىپ، كولىگىندەگى پىشاقتى الىپ، قىزعا بىرنەشە رەت سۇققان.
قىرشىننان قيىلعان تاعدىر
سوت ماتەريالىندا كورسەتىلگەندەي، پىشاق قىزدىڭ كەۋدە قۋىسىنا دەيىن سۇعىلعان. جابىرلەنۋشى وقيعا ورنىندا قان جوعالتۋدان كوز جۇمعان.
قىلمىستان سوڭ قايرات مارقۇمنىڭ دەنەسىن كولىكتىڭ جۇك سالعىشىنا سالىپ، الماتىنىڭ شەتىندە ورنالاسقان "مونتاجنيك" باعباندىق بىرلەستىگى ماڭىنا اپارىپ تاستاعان. ال پىشاقتى جول بويىندا تەرەزەدەن لاقتىرىپ جىبەرگەن. كەيىنىرەك قارۋ Royal Tulip ءقوناقۇيى جانىنان تاركىلەنگەن.
قىلمىستان كەيىن قايرات قىزدىڭ iPhone 11 تەلەفونىن 45 000 تەڭگەگە لومباردقا وتكىزىپ، كولىكتى جالعا بەرگەن دۇكەنگە قايتارىپ، كەيىن قۇربان ايت مەرەكەسىنە اناسىمەن بىرگە استاناعا كەتكەن.
سوت شەشىمى
ءىستى قاراعان سۋديا باقىتحان باكىربايەۆ قايرات اناروۆتى 12 جىلعا قاتاڭ رەجيمدەگى كولونياعا جىبەرۋ تۋرالى ۇكىم شىعاردى.