الماتىدا جەتىنشى بالاسىنا جۇكتى ايەل قارۋ-جاراق توناۋعا قاتىسقان

الماتىدا جۇكتى ايەل قارۋ-جاراق دۇكەنىن توناۋعا قاتىسقان

اۋەزوۆ اۋداندىق پب جانىنداعى پوليسيا ءبولىمىنىڭ مالىمەتىنشە، جەتىنشى بالاسىن كۇتىپ جۇرگەن ايەل كۇيەۋىنە مىلتىق، تاپانشا، پاتروندار جانە باسقا دا وق-دارىلەردى ۇرلاۋعا كومەكتەسكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ءۇيدىڭ ءىشىن ءتىنتۋ كەزىندە تاركىلەنگەندەردىڭ اراسىندا توعىز سايگا ستۆولى، ەكى مىلتىق، ۆينتوۆكا، تاپانشا، پاتروندار، رەزەڭكە سويىلدار، اعاش توقپاقتار، ساپەر كۇرەگى مەن راديوستانسيالار بولدى. 25 جاستاعى ت.ەسىمدى جىگىت ۇرلانعان قارۋ-جاراق سالىنعان بۋمالاردى جەكە ءۇيىنىڭ الدىنداعى اۋماققا كومگەن. سونداي-اق، كۇدىكتىنىڭ مىنگەن كولىگى دە انىقتالدى. بۇل كەزدە ونىڭ قاسىندا ايەلى بولعان، ول كۇيەۋىنىڭ ويلانباي جاساعان ارەكەتىن، قىلمىس جاساۋىن توقتاتۋدىڭ ورنىنا ۇرلانعان زاتتار سالىنعان جاشىكتەردى كولىككە تيەۋگە بەلسەنە كومەكتەسكەن»، – دەدى الماتى قالالىق پوليسيا دەپارتامەنتى باسشىسىنىڭ ورىنباسارى بەرىك ابىلبەكوۆ.

زاتتاي ايعاقتار تاركىلەندى. اتالعان دەرەك ق ر قك-نىڭ 291-بابى 3-بولىگىمەن (قارۋدى، وق-دارىلەردi، جارىلعىش زاتتار مەن جارىلىس قۇرىلعىلارىن جىمقىرۋ نە قورقىتىپ الۋ) كۆاليفيكاسيالانعان. ايەلدىڭ ارەكەتىنە قۇقىقتىق باعا بەرىلەدى.