سەيسەنبى كۇنى قازاقستاننىڭ باتىسىندا، سولتۇستىك-باتىسىندا جاڭبىر مەن قار تۇرىندە جاۋىن-شاشىن بولادى.
سولتۇستىكتە قار جاۋىپ، جاياۋ بۇرقاسىن، كوكتايعاق كۇتىلەدى. ەلىمىزدىڭ قالعان اۋماعىندا انتيسيكلون جوتاسىنىڭ اسەرىنەن جاۋىن-شاشىنسىز اۋا رايى بولجانادى. رەسپۋبليكا بويىنشا كەي جەرلەردە تۇمان ءتۇسىپ، جەل كۇشەيەدى، دەپ حابارلايدى Almaty-akshamy.kz «قازگيدرومەتكە» سىلتەمە جاساپ.
اقمولا وبلىسىنىڭ سولتۇستىك-باتىسىندا جەل 15-20 م/س كۇشەيەدى، جاياۋ بۇرقاسىن سوعىپ، كۇندىز كوكتايعاق كۇتىلەدى. تۇندە جانە تاڭەرتەڭ الماتى وبلىسىنىڭ سولتۇستىگىندە تۇمان بولادى. جالاڭاشكول اۋدانىندا جەل 18-23 م/س كۇشەيەدى.
جامبىل وبلىسىنىڭ سولتۇستىك-شىعىسىندا جەلدىڭ ەكپىنى 23 م/س ارتادى. تۇندە جانە تاڭەرتەڭ وبلىستىڭ سولتۇستىگىندە جانە تاۋلى اۋداندارىندا تۇمان كۇتىلەدى.
قوستاناي وبلىسىنىڭ باتىسىندا جەل 15-20 م/س كۇشەيەدى، جاياۋ بۇرقاسىن، تۇمان، كوكتايعاق بولادى.
سولتۇستىك قازاقستان وبلىسىنىڭ سولتۇستىگىندە، وڭتۇستىگىندە، شىعىسىندا جەل 15-20 م/س ارتادى. سونداي-اق جاياۋ بۇرقاسىن، تۇمان، كۇندىز كوكتايعاق كۇتىلەدى.
كۇندىز پاۆلودار وبلىسىنىڭ سولتۇستىك-باتىسىندا جەل 15-20 م/س كۇشەيىپ، جاياۋ بۇرقاسىن بولجانادى. شىعىس قازاقستان وبلىسىنىڭ جارما اۋدانىندا جەل 15-20 م/س ارتادى.
باتىس قازاقستان، اتىراۋ وبلىستارىندا تۇمان، تۇندە اتالعان وڭىرلەردىڭ شىعىسىندا، ورتالىعىندا كوكتايعاق بولادى.
ماڭعىستاۋ وبلىسىنىڭ سولتۇستىگىندە تۇمان كۇتىلەدى.
اقتوبە وبلىسىنىڭ وڭتۇستىگىندە كوكتايعاق بايقالادى.