نەگىزگى ءىس-شارالار 28 گۆاردياشى-پانفيلوۆشىلار ساياباعىندا وتەدى.
الماتى اكىمدىگى 9 مامىر – جەڭىس كۇنى مەرەكەسىنە وراي مەگاپوليستە وتەتىن ءىس-شارالار ءتىزىمىن جاريالادى، دەپ حابارلايدى اlmaty-akshamy.kz.
اكىمدىكتىڭ مالىمەتىنشە، الماتىدا جەڭىس كۇنىنىڭ 78 جىلدىعىن مەرەكەلەۋ 9 مامىر، ساعات 09:30-دا 28 گۆاردياشى-پانفيلوۆشىلار اتىنداعى ساياباقتا ەكىنشى دۇنيەجۇزىلىك سوعىس ارداگەرلەرىنىڭ قاتىسۋىمەن داڭق مەموريالىنىڭ جانىندا ماڭگىلىك الاۋعا گۇل شوقتارىن قويۋ راسىمىمەن باستالادى.
جەڭىس كۇنىنە ارنالعان مەرەكەلىك كونسەرت ساعات 11:00-دە 28گۆاردياشى-پانفيلوۆشىلار ساياباعىنىڭ الاڭىندا وتەدى.
جەڭىس كۇنىن مەرەكەلەۋ ش. ءۋاليحانوۆ اتىنداعى سكۆەر مەن جىبەك جولى-پانفيلوۆ كوشەلەرىندە ساعات 11.00-دە باستالادى. كونسەرتتەر «الماتى اۋەندەرى» ارتىستەرىنىڭ، اباي اتىنداعى ۇلتتىق وپەرا جانە بالەت تەاترى سوليستەرىنىڭ، مۋزىكالىق توپتاردىڭ قاتىسۋىمەن وتەدى.
قالا اكىمدىگى 50 مىڭ «جەڭىس لەنتاسىن» تاراتادى. ولاردى 28 پانفيلوۆشىلار- گۆاردياشىلار، ورتالىق مادەنيەت جانە دەمالىس ساياباقتارىندا، مەرەكەلىك ءىس-شارالار وتەتىن باسقا جەرلەردە الۋعا بولادى.
مەكتەپتەر مەن كوللەدجدەردە اسكەري قىزمەتشىلەردى، ارداگەرلەردى، ازاماتتاردى شاقىرا وتىرىپ، تاقىرىپتىق «ەرلىك ساباقتارى»، سونداي-اق بالالاردى ءتۇرلى قورعانىس سالاسى بويىنشا قارۋلاردىڭ تۇرلەرىمەن تانىستىرۋ ساباقتارى وتەدى.
الماتى قالاسى اكىمىنىڭ، ونىڭ ورىنباسارلارى مەن اۋدان اكىمدەرىنىڭ قاتىسۋىمەن «ارداگەرلەرگە تاعزىم» قايىرىمدىلىق اكسياسى اياسىندا ۇيلەرىنە بارىپ قىزمەت كورسەتىلەتىن جانە مەديسينالىق-الەۋمەتتىك مەكەمەلەردەگى ەكىنشى دۇنيەجۇزىلىك سوعىس قاتىسۋشىلارىن، مۇگەدەكتەرىن جانە تىل ەڭبەككەرلەرىن قۇتتىقتاۋ جوسپارلانعان.
سونداي-اق، جەڭىس كۇنىنە ارنالعان سالتاناتتى شارالار قالانىڭ بارلىق اۋدانىندا وتەدى.
الاتاۋ اۋدانى:
ارداگەرلەر مەن جاستاردىڭ قاتىسۋىمەن «ەر ەسىمى – ەل ەسىندە» ەسكەرتكىشىنە گۇل شوقتارىن قويۋ 7 مامىر كۇنى تاڭعى ساعات 10:00-دە جانقوجا باتىر كوشەسى، 26 مەكەنجايداعى اۋدان اكىمدىگى عيماراتىنىڭ الدىندا وتەدى. جەڭىس كۇنى مەن وتان قورعاۋشىلار كۇنىنە ارنالعان مەرەكەلىك ءىس-شارا 7 مامىردا ساعات 11:00-دە اتلەتتەر اۋىلىندا وتەدى.
المالى اۋدانى:
كونسەرتتىك باعدارلاما 9 مامىردا ساعات 11:00-دە ءا. مولداعۇلوۆا مەن م. مامەتوۆا اتىنداعى سكۆەردە وتەدى.
اۋەزوۆ اۋدانى:
جەڭىس كۇنىنە ارنالعان مەرەكەلىك كونسەرت 9 مامىردا ساعات 11:00-دە Family Park دەمالىس ساياباعىندا وتەدى.
جەتىسۋ اۋدانى:
مەرەكەلىك كونسەرت 9 مامىردا ساعات 11:00-دە «گۇلدەر» ساياباعىندا وتەدى.
ناۋرىزباي اۋدانى:
8 مامىر كۇنى ساعات 09:00-دە «ماڭگىلىك الاۋ» ەسكەرتكىشىنىڭ جانىندا، تاۋ سامالى شاعىناۋدانداعى جاندوسوۆ كوشەسى، 2-دە اۋدان اكىمىنىڭ، ەكىنشى دۇنيەجۇزىلىك سوعىس جانە اۋعان سوعىسى ارداگەرلەرىنىڭ، تىل ەڭبەككەرلەرىنىڭ، جەلتوقسان وقيعاسى كۇرەسكەرلەرىنىڭ قاتىسۋىمەن گۇل شوقتارى قويىلادى. ساعات 11:00-دەن 14: 00-گە دەيىن ءتورت ارداگەر ءوز ۇيلەرىندە اۋداننىڭ اتىنان قۇتتىقتالادى، سونداي-اق ولار ءۇشىن ۇرمەلى اسپاپتار وركەسترىمەن بىرگە اسكەري شەرۋ ۇيىمداستىرىلادى.
جەڭىس كۇنىنە ارنالعان «ەرلىك ءىزى وشپەيدى» مەرەكەلىك كونسەرتى 9 مامىر كۇنى ساعات 11:00 - دە اۋدان اكىمدىگى عيماراتىنىڭ الدىندا وتەدى (شۇعىلا شاعىن اۋدانى، 347).
تۇركسىب اۋدانى:
جەڭىس كۇنىنە ارنالعان مەرەكەلىك ءىس-شارا 9 مامىردا ساعات 11:00-دە س. سەيفۋللين اتىنداعى ساياباقتا وتەدى.