«تۇزەل، تىك تۇر!»

الماتىدا پوليسيا كۇشتەرىنىڭ ساپ تۇزەۋى ءوتتى

الماتىدا پوليسيا كۇشتەرىنىڭ ساپ تۇزەۋى ءوتتى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.

شاراعا پاترۋلدىك پوليسيا پولكىنىڭ، مامانداندىرىلعان باتالوننىڭ ناريادتارى، جىلدام قيمىلدايتىن ارنايى جاساقتىڭ قىزمەتكەرلەرى قاتىستى،

ساپتىق بايقاۋلار ءاربىر پوليسيا قىزمەتكەرىنىڭ كەلبەتى جيناقى جانە ۇقىپتى بولۋى ءۇشىن، قىزمەتكەرلەردىڭ كيىم كيۋ ەرەجەلەرىن ساقتاۋى ءۇشىن وتكىزىلەدى.

قالالىق پوليسيا دەپارتامەنتىنىڭ باستىعى ارىستانعاني زاپپاروۆ جاپسىرمالار مەن ەمبلەمالاردىڭ دۇرىستىعىنا، قىزمەتتىك كۋالىككە، شاش ۇلگىسى مەن ءتيىستى اياق كيىمنىڭ بولۋىنا، سونداي-اق اۆتوكولىك پەن تەحنيكالىق قۇرالداردىڭ جاي-كۇيىنە ەرەكشە نازار اۋداردى.

«قالاداعى ءتارتىپ پەن ازاماتتاردىڭ قاۋىپسىزدىگى پوليسيانىڭ قالاي جۇمىس ىستەيتىنىنە بايلانىستى. ءتارتىپ ساقشىلارىنىڭ قوعاممەن تىعىز بايلانىستا بولۋى وتە ماڭىزدى. ال ماتەريالدىق-تەحنيكالىق بازا مەن مەملەكەتتىك الەۋمەتتىك قولداۋ سىزدەرگە قىلمىسقا قارسى تۇرۋعا مۇمكىندىك بەرەدى»، - دەپ اتاپ ءوتتى ارىستانعاني زاپپاروۆ.

سونىمەن قاتار ساپتۇزەۋدە قىزمەتكەرلەر ءتۇرلى قۇقىق بۇزۋشىلىقتار بويىنشا باعدارلاردى جانە كومانديرلەردىڭ نۇسقاۋلارىن تىڭدادى.

ۆەدومستۆولىق تالاپتارعا سايكەس، پوليسيادا ساپتىق بايقاۋلار جازعى جانە قىسقى كيىم نىسانىنا كوشۋ كەزىندە، ياعني جىلىنا ەكى رەت وتكىزىلەدى. بۇل جەكە قۇرامنىڭ قۇقىقتىق ءتارتىپتى قامتاماسىز ەتۋ، قىلمىسقا قارسى كۇرەس جانە ازاماتتاردىڭ قۇقىقتارىن قورعاۋ جونىندەگى مىندەتتەرىن ورىنداۋعا دايىندىعىن تەكسەرۋ ءۇشىن قاجەت. وڭىرلەردە مۇنداي ساپتىق بايقاۋلار اۋا رايىنا بايلانىستى ءارتۇرلى ۋاقىتتا وتەدى.

ءاربىر پوليسيا قىزمەتكەرىنىڭ كەلبەتى جيناقى جانە ۇقىپتى بولۋى كەرەك. قىزمەتكەرلەر كيىم كيۋ ەرەجەلەرىن ساقتاۋى ءتيىس. سەبەبى ءتارتىپ وسىدان باستالادى.