پرەزيدەنت توقايەۆ قازاقستاندىقتاردى وتان قورعاۋشىلار كۇنىمەن قۇتتىقتادى

پرەزيدەنت توقايەۆ قازاقستاندىقتاردى وتان قورعاۋشىلار كۇنىمەن قۇتتىقتادى سۋرەت: gov.kz

ارميامىزدىڭ ايبىنى اسقاقتاي بەرسىن!


قازاقستان پرەزيدەنتى قاسىم-جومارت توقايەۆ قازاقستاندىقتاردى وتان قورعاۋشىلار كۇنىمەن قۇتتىقتادى، دەپ حابارلايدى اlmaty-akshamy.kz اقوردانىڭ رەسمي سايتىنا سىلتەمە جاساپ.



«سىزدەردى وتان قورعاۋشىلار كۇنىمەن شىن جۇرەكتەن قۇتتىقتايمىن! بۇل – تەك اسكەري قىزمەتشىلەر ءۇشىن عانا ەمەس، بارشامىزعا ورتاق قاستەرلى مەرەكە. ەلىن قورعاۋ – ءاربىر ازاماتتىڭ پەرزەنتتىك پارىزى. تۋعان جەرگە دەگەن شەكسىز سۇيىسپەنشىلىكتىڭ جارقىن كورىنىسى.


مەملەكەتىمىزدىڭ قورعانىس قابىلەتىن ارتتىرۋ – نەگىزگى ستراتەگيالىق ماقساتىمىزدىڭ ءبىرى. قازاقستان ارمياسى كەز كەلگەن جاعدايدا مەملەكەتىمىزدى قورعاۋعا دايىن بولۋى كەرەك. قارۋلى كۇشتەرىمىز ەلىمىزدىڭ ەگەمەندىگى مەن تۇتاستىعىنىڭ جانە حالقىمىزدىڭ مىزعىماس بىرلىگى مەن جارقىن بولاشاعىنىڭ كەپىلى بولىپ قالا بەرەدى.


بۇگىندە جاۋىنگەرلەرىمىز باتىر بابالارىمىزدىڭ داڭقتى جولىن جالعاستىرىپ، ەل تىنىشتىعىن قىراعىلىقپەن كۇزەتىپ تۇر. ولاردىڭ قاۋىپسىزدىكتى قامتاماسىز ەتۋ جولىنداعى قالتقىسىز قىزمەتى – وسكەلەڭ ۇرپاققا ءاردايىم ۇلگى-ونەگە.


وزدەرىنە جۇكتەلگەن مىندەتتى ءمىنسىز اتقارىپ، انتىنا ادالدىق تانىتىپ جۇرگەن بارلىق ساربازدارعا شىنايى ريزاشىلىعىمدى بىلدىرەمىن. ارميامىزدىڭ ايبىنى اسقاقتاي بەرسىن! ەلىمىزدىڭ ىرگەسى ءاردايىم بەرىك بولسىن!


اسكەري قىزمەتشىلەرگە، ارداگەرلەرگە جانە بارشا وتانداستارىمىزعا زور دەنساۋلىق، قاجىماس قايرات پەن باق-بەرەكە تىلەيمىن!»، - دەدى پرەزيدەنت.




 

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:55

17:12

16:16

16:13

16:11

16:08

16:06

15:52

15:23

15:20

15:10

15:09

15:04

15:02

14:28

14:23

13:32

13:30

13:28

13:27

12:50

12:45

12:03

11:59

11:43