الماتىدا جەلتوقسان كوشەسىنىڭ ءبىر بولىگى ۋاقىتشا جوندەۋگە جابىلادى.
BRT (Bus Rapid Transit — اۆتوبۋستىڭ ارنايى جولاعى) جوباسىن جۇزەگە اسىرۋ اياسىندا جەلتوقسان كوشەسىندە قۇرىلىس-مونتاج جۇمىستارىنىڭ جۇرگىزىلۋىنە بايلانىستى كولىك قوزعالىسى ۋاقىتشا شەكتەلەدى.
وسىعان بايلانىستى 21 ماۋسىم كۇنى ساعات 08:00-دەن 22:00-گە دەيىن اباي داڭعىلىنان شيەۆچەنكو كوشەسىنە دەيىنگى ارالىقتا قوزعالىس جابىلادى. بۇل اۋماقتى ابىلاي حان جانە چايكوۆسكيي كوشەلەرى ارقىلى اينالىپ وتۋگە بولادى.
جوندەلەتىن ۋچاسكەدە ەسكەرتۋ بەلگىلەرى، مەردىگەر ۇيىمنىڭ بايلانىس اقپاراتى بار تاقتا قويىلادى. باعىتتى الدىن الا جوسپارلاۋدى سۇرايمىز.
سونىمەن قاتار قوزعالىسقا شەكتەۋ قويۋ جونىندەگى تولىق اقپارات @AlmatyJoly Telegram ارناسىندا، اكىمدىكتىڭ الەۋمەتتىك جەلىلەرىندە جانە 2GIS جانە «ياندەكس كارتالارىندا» جاريالانعان.