ۇرلىق قالانىڭ ناۋرىزباي اۋدانىندا بولعان.
پوليسيا قىزمەتكەرلەرى جەكە ۇيدەن ۇرلىق جاساعان كۇدىكتىنى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بەلگىسىز بىرەۋ تۇرعىن ۇيگە تەرەزەدەن كىرگەن جانە جەكە مۇلىكتى ۇرلاعان، ماتەريالدىق شىعىن 7 ملن تەڭگەنى قۇرادى. الماتى وبلىسىنىڭ 35 جاستاعى تۇرعىنى ۇستالدى. ول ءوز ءىسىن مويىندادى. بوتەننىڭ مۇلكىن ۇرلاۋ دەرەگى بويىنشا قىلمىستىق ءىس تىركەلدى. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. كۇدىكتىنىڭ جەكە باسى باسقا دا وسىعان ۇقساس قىلمىستارعا قاتىسى بار-جوعى تەكسەرىلۋدە»، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.