شاراعا وتاندىق جانە حالىقارالىق ساراپشىلار قاتىستى.
مەملەكەت باسشىسى قاسىم-جومارت توقايەۆ جىل سايىن وتەتىن «Digital Bridge 2022» حالىقارالىق تەحنولوگيالىق فورۋمىنا قاتىستى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
Iس-شاراعا پرەمەر-مينيستر، مەملەكەتتىك ورگانداردىڭ، بيزنەس-قۇرىلىمداردىڭ جەتەكشىلەرى، وتاندىق جانە حالىقارالىق ساراپشىلار قاتىستى.
پرەزيدەنتكە Astana Hub IT ەكوجۇيەسىنىڭ قازىرگى قىزمەتى جانە Google for Startups كومپانياسىمەن بىرلەسكەن باعدارلاماسىنىڭ جۇزەگە اسىرىلۋى جونىندە باياندالدى، سونداي-اق Alem باعدارلامالاۋ مەكتەبى مەن «قازاقستان حالقىنا» قورىنىڭ جوباسى تانىستىرىلدى.
بۇدان كەيىن قاسىم-جومارت توقايەۆ ستارتاپ اللەياسىنداعى ءاربىر جوباعا ارنايى توقتالىپ، كومپانيا وكىلدەرىنىڭ جەتىستىكتەرىن تىڭدادى. ولاردىڭ ءبىرقاتارى تەك قازاقستان نارىعىمەن شەكتەلمەي، شەتەل نارىعىنا دا شىعا باستاعان.
مەملەكەت باسشىسىنا، اتاپ ايتقاندا، ايماقتىق اۆياكومپانيالارعا ارنالعان Farel اۆياسيالىق سوفتتىڭ جاڭا بۋىنى، Arbuz ينتەرنەت سۋپەرماركەتى، Zypl.ai جاساندى ينتەللەكت زاۋىتى، UvU Ridesharing بالالار مەن ايەلدەرگە ارنالعان ءقاۋىپسىز تاسىمالداۋ قىزمەتى، Parqour اقىلدى تۇراق قىزمەتى، سloud-ەسەپتەۋلەردى جەڭىلدەتەتىن FIBO Cloud قىزمەتى جانە Intebix كريپتوبيرجاسى سەكىلدى ستارتاپتار تانىستىرىلدى.
تۇركيانىڭ ونەركاسىپ جانە تەحنولوگيالار ءمينيسترى مۇستافا ۆارانك پەن وزبەكستاننىڭ اقپاراتتىق تەحنولوگيالار مەن كوممۋنيكاسيالاردى دامىتۋ ءمينيسترى شەرزود شەرماتوۆ ءوز ەلدەرىندەگى تەحنوپاركتەردىڭ قازاقستانمەن اراداعى ىنتىماقتاستىعىنا قاتىستى جوسپارلارى تۋرالى ايتىپ بەردى.
سونىمەن قاتار مەملەكەت باسشىسىنا Blockchair، Playrix، EPAM، inDriver حالىقارالىق IT-كومپانيالارىن قازاقستانعا تارتۋ جانە مەملەكەتتىك قىزمەتتەردى سيفرلاندىرۋ ناتيجەلەرى تۋرالى باياندالدى. اتاپ ايتقاندا، استانا قالاسىنىڭ گەواناليتيكالىق پلاتفورماسى، E-gov دەنساۋلىق، الەۋمەتتىك ءاميان جانە وتباسىنىڭ سيفرلىق كارتاسى، Vet Mobile، E-Salyq Business، جەر تەلىمدەرىن ساتۋ جانە جىلجىمايتىن مۇلىكپەن مامىلەلەردى تىركەۋ جونىندەگى ونلاين اۋكسيون سياقتى سيفرلىق شەشىمدەر مەن KazNedra جەر قويناۋىن پايدالانۋشىلاردىڭ ءبىرىڭعاي پلاتفورماسى جونىندە ءسوز بولدى.
