الماتى قالاسى جەدەل جاردەم قىزمەتى ديرەكتورىنىڭ ورىنباسارى اندرەي لوجكين وڭىرلىك كوممۋنيكاسيالار قىزمەتىنىڭ بريفينگىندە پاندەميا كەزىندەگى فەلدشەرلەر جۇمىسىنىڭ قيىندىعى مەن ولارعا تۇسەتىن جۇكتەمەلەر تۋرالى ايتتى، دەپ حابارلايدى almaty-akshamy.kz
اندرەي لوجكيننىڭ ايتۋىنشا، ەگەر جىل باسىندا "جەدەل جاردەم" قىزمەتىنە ورتا ەسەپپەن 3200-گە جۋىق قوڭىراۋ تۇسسە، كوروناۆيرۋس ءورشىپ تۇرعان قازىرگى كەزدە جۇكتەمە ەكى ەسە ءوسىپ، كۇنىنە 6400-گە جۋىق قوڭىراۋ شالىنۋدا.
«ەڭ جوعارى كورسەتكىش شامامەن ءبىر اپتا بۇرىن بايقالدى، جەدەل جاردەم شاقىرعان وتىنىشتەر سانى 8 مىڭعا جەتتى. سونىمەن قاتار، جەدەل جاردەم بريگادالارىنىڭ جۇكتەمەسى ءوستى، كۇنىنە شامامەن 15 قوڭىراۋ، ال جىل باسىندا كۇنىنە 8-10 قوڭىراۋ شالىناتىن. قالانىڭ جەدەل جاردەم قىزمەتىنە قاربالاس ۋاقىتتا ساعات 10.00-دەن 15.00-گە دەيىن جانە 18.00-دەن 24.00-گە دەيىن ءتۇرى وتىنىشتەر تۇسەدى، كەيدە شاقىرتۋلارعا قىزمەت كەشىگىپ كورسەتىلەدى. ايتارىم، پاسيەنتتەردىڭ ومىرىنە ءقاۋىپ تونگەن شاقىرتۋلارعا ءبىرىنشى كەزەكتە قىزمەت كورسەتىلەدى»، - دەدى ا. لوجكين.
الماتى قالاسى "جەدەل جاردەم" قىزمەتىنىڭ وكىلى جەدەل جاردەمدە جاس" مامانداردىڭ تاپشى ەكەنىن ايتتى. جالپى، جەدەل جاردەم قىزمەتى تاجىريبەلى دارىگەرلەرمەن قامتىلعان. جەدەل جاردەم كولىكتەرى كۇن سايىنعى ششاقىرتۋلارعا بارادى، جۇرگىزۋشىلەر قۇرامى تولىق.
جۋرناليستەردىڭ سۇراقتارىنا جاۋاپ بەرە وتىرىپ، ا. لوجكين "جەدەل جاردەم" شاقىرعان كەزدە باستاپقى اۆتوماتتى سالەمدەسۋ 17 سەكۋندتان 12 سەكۋندقا قىسقارعانىن ايتتى. بۇرىندارى "جەدەل جاردەمگە" قوڭىراۋ شالۋ قيىن بولعانى راس، ويتكەنى بايلانىس ارنالارى شەكتەۋلى، 30 عانا بولدى، رەزەرۆتە تۇرعانى – 20. بۇگىندە الماتىدا جەدەل جاردەمنىڭ 60 بايلانىس ارناسى ىسكە قوسىلعان، ديسپەچەرلەر سانى دا ۇلعايدى – اۋىسىمدا 12 ادامنان 16 ادامعا دەيىن.
ەگەر "جەدەل جاردەم" قىزمەتىنىڭ 103 نومىرىنە حابارلاسا الماعان جاعدايدا، دەرەكتەردى اۆتوماتتى تۇردە 112 قىزمەتىنە جىبەرۋگە بولادى.
ا. لوجكين فيزيكالىق جۇكتەمەدەن باسقا، جەدەل جاردەم دارىگەرلەرىنە مورالدىق جۇكتەمەنىڭ ارتقانىن اتاپ ءوتتى. ول كوروناۆيرۋس ينفەكسياسىنىڭ تارالۋىنىڭ الدىن الۋ ءۇشىن سانيتارلىق-ەپيدەميولوگيالىق نورمالاردى قاتاڭ ساقتاۋ قاجەت ەكەنىن اتاپ ءوتتى.