الماتى پوليسياسى بوتەن ادامداردىڭ اتىنا شاعىن نەسيە راسىمدەگەن ەكى الاياقتى ۇستادى، دەپ حابارلايدى almaty-akshamy.kz Polisia.kz سىلتەمە جاساپ.
ءبىرىنشى جاعدايدا 26 جاستاعى ج.ەسىمدى ايەل ينتەرنەت-رەسۋرستاردى قولدانا وتىرىپ، ازاماتتاردى مكۇ-نىڭ بىرىنە تاۋارلىق نەسيە الۋعا ءوتىنىش بىلدىرۋگە شاقىرعان.
– ايەل ءارتۇرلى سىلتاۋلارمەن ازاماتتاردىڭ جەكە دەرەكتەرىن الىپ جۇرگەن: جەكە كۋالىكتەر، بانك كارتالارى، سودان كەيىن ءار ءتۇرلى مقۇ-عا ولاردىڭ اتىنان “ونلاين” نەسيە راسىمدەگەن. قازىرگى ۋاقىتتا ق ر قك-نىڭ 190-بابى، 2-بولىگى، 4-تارماعى بويىنشا تەرگەۋ امالدارى جۇرگىزىلۋدە. كۇدىكتى جاساعان وسىعان ۇقساس التى ەپيزود دالەلدەندى. ج.ەسىمدى ازاماتشانىڭ ىس-ارەكەتىنەن كەلتىرىلگەن جالپى شىعىن شامامەن 1 ميلليون تەڭگە. بۇل ازاماتشانىڭ قىلمىستىق ارەكەتتەرىنەن زارداپ شەككەندەرگە مىنا تەلەفون نومىرلەرى ارقىلى حابارلاسۋلارىڭىزدى سۇرايمىز: 8-775-747-7778 جانە 8-705-555-77-63، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
قالالىق كريمينالدىق پوليسيا ەسكە تۇسىرگەندەي، بۇل كۇندەرى الماتى قالاسىنىڭ پوليسەيلەرى ينتەرنەتتەگى الاياقتىقپەن كۇرەسۋ ءۇشىن ءىس-شارالار جيىنىن وتكىزۋدە.
– ءبىز اقپاراتتىق تەحنولوگيالاردى قولدانۋ ارقىلى جاسالعان قۇقىق بۇزۋشىلىقپەن كۇرەسۋ شارالارىنىڭ تيىمدىلىگىن ارتتىرۋعا باعىتتالعان “اnti-Fraud” رەسپۋبليكالىق ءىس-شاراسى تۋرالى ايتىپ وتىرمىز. ءىس-شارا 9 تامىزدا باستالىپ، 15ء-ى اياقتالادى. ۇستالعانداردىڭ اراسىندا – 31 جاستاعى ا.ەسىمدى ازامات تا بار. ول الماتى وبلىسىنىڭ تۋماسى، بۇرىن سوتتالماعان، ادامدارداردى شاعىن نەسيە راسىمدەۋ ارقىلى الداپ كەلگەن. قازىرگى ۋاقىتتا ق ر قك-نىڭ 190-بابى، 2-بولىگى، 4-تارماعى بويىنشا تەرگەۋ امالدارى جۇرگىزىلۋدە. كۇدىكتى وسىعان ۇقساس سەگىز قىلمىس جاساعانى ءۇشىن ۇستالدى، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.