گەرولد بەلگەر 1934 جىلى 28 قازاندا دۇنيەگە كەلگەن.
31 قازان كۇنى الماتىدا جازۋشى، اۋدارماشى، پۋبليسيست، ەسسەشى جانە ادەبيەتتانۋشى گەرولد بەلگەردى ەسكە الۋ كەشى وتەدى. بۇل شاراعا جازۋشىنىڭ دوستارى مەن جاقىندارى، سەرىكتەرى مەن شاكىرتتەرى قاتىسادى، دەپ حابارلايدى Almaty-akshamy.kz.
اتالمىش شارا الماتى قالاسىنداعى رەسپۋبليكالىق دوستىق ۇيىندە وتەدى. بەلگىلى قازاقستاندىق پروزاشى، پۋبليسيست، اۋدارماشى گەرولد بەلگەردىڭ تاعدىرى مەن شىعارماشىلىعىنا ارنالعان ەسكە الۋ كەشىنە دوستارى مەن جاقىندارى، سەرىكتەرى مەن شاكىرتتەرى، ديپلوماتيا وكىلدەرى، قازاقستان حالقى اسسامبلەياسىنىڭ مۇشەلەرى مەن قۇرىلىمىنىڭ وكىلدەرى، زيالى قاۋىم مەن قوعام قايراتكەرلەرى، سونداي-اق، جوو ستۋدەنتتەرى مەن ب ا ق وكىلدەرى جانە «ۆوزروجدەنيە» الماتى نەمىس ەتنو-مادەني قوعامىنىڭ، «Wiedergeburt» نەمىستەر كەڭەسىنىڭ وكىلدەرى قاتىسادى دەپ كۇتىلۋدە.
تاقىرىپقا وراي
گەرولد بەلگەر:
ءبىزدىڭ تۇراقتىلىق دەپ جۇرگەنىمىز – جاي عانا توقىراۋ
ادامدى قالاي بولسا، سولاي، قاز-قالپىندا قابىلداۋ كەرەك. ايتپەسە، ونى كورمەستەي بوپ كەتۋىڭ مۇمكىن.
***
مەنى قازاقستاندىق دەموكراتيانىڭ «ايرىقشا جولى» الاڭداتادى. بۇل – ءوز-وزىن الداۋ، نونسەنس. «ايرىقشا جول» جايلى ايتىلىپ جاتسا، سول دەپ ءبىل. تىعىرىق.
***
ءبىزدىڭ بيلىكتىڭ ويىنشا، ناعىز وتانسۇيگىش دەگەنىمىز – زەينەتكە ءبىر جىل قالعاندا دۇنيە سالعان ادام.
***
ىعىنا جىعىلعىشتىق – مىنە كوپ زيالىلارىمىزدىڭ بۇگىنگى ۇرانى.
***
«تومەنگى» دەڭگەيدەگىلەردىڭ اقشا جىمقىرعانىنا كوزجۇمبايلىق جاساسا بولادى. ال «جوعارعى» جاق ۇرلاسا، قازاقشا ايتقاندا، تۇيەنى تۇگىمەن، بيەنى بۇگىمەن جۇتۋ دەگەننىڭ ناق ءوزى بولماق – قوعام ءبىر ۇلكەن جارىلىستى كۇتىپ وتىر.
باقىتتى قۇل – ازاتتىقتىڭ اسقان جاۋى.
***
ورىستىڭ بوعاۋىز ءسوزى وزگەنىڭ اۋزىنان شىقسا، جۇمسارىپ كەتەدى. كەيدە ءتىپتى مەيىرىمگە تولادى. قازاق جازۋشىسىن بىلەمىن، وقۋشى قىزىنىڭ شاشىن ءورىپ وتىرىپ: «ءوي، اينالايىن…. تۆويۋ مات!» دەپ ەركەلەتىپ وتىراتىن.
***
مەنىڭ تولقىنىمنىڭ تۇرمىستىق ساتىلارى: اۋەلى – فيزيكالىق تۇرعىداعى كۇنكورىس قامى، سوسىن – رۋحاني تۇرعىدان امان قالۋ قامى، ەندى – قاراپايىم كۇنكورىستىڭ جانتالاسى.
***
ەشكىمنىڭ ەشتەڭەدە شارۋاسى بولماسا، ءىستى كىم تىندىرماق؟!
***
كوكجايلاۋ — ساقتاۋعا، قاستەرلەۋگە ءتيىس قۇدايدىڭ عالامات جاراتىلىسى. ەڭ الدىمەن، ونى ساقتاپ قالۋ جايىن قازاقتار، زامانداستارىمىز، الماتىلىقتار ويلاۋى كەرەك.