الماتىدا حالىقارالىق جاستار كۇنى قارساڭىندا «Hide Park» اۋماعىندا «Jaz Energy 2023» فەستيۆالى ءوتتى، وعان 500-دەن استام ادام قاتىستى، دەپ حابارلايدى Almaty-akshamy.kz
«الماتى جاستارى – تاۋسىلمايتىن كۇش پەن شىعارماشىلىقتىڭ قاينار كوزى دەپ بىلەمىز. ءبىزدىڭ ءىس-شارانىڭ ماقساتى – جاستاردىڭ ءوزىن-وزى دامىتۋعا، جاڭا ورتا تابۋعا جانە العا قويعان ماقساتتارىنا جەتۋىنە تالپىنۋ جانە قولداۋ كورسەتۋ»، - دەپ ءتۇسىندىردى جاستار رەسۋرستىق ورتالىعىنىڭ جەتەكشىسى احاتاي ىرىسبەك.
ءىس-شارا بارىسىندا «Sunshine» جانە «Bauyrdaq-Qazaq Fastfood» كومپانيالارىنان جەڭىلدىك سەرتيفيكاتتارى تابىس ەتىلدى. سۋرەت سالۋ، ساداق اتۋ، قىش قۇمىرا جاساۋ جانە مەحەندي قولدانۋ بويىنشا ماستەر-كلاسستار ۇيىمداستىرىلدى.
كەش اتموسفەراسىن DJ AKHMETOFF جانە MC TANAT ەرەكشەلەي ءتۇستى، فەستيۆال «چارلي جانە شوكولاد فابريكاسى» جانە «قارا كيىمدى ادامدار» فيلمدەرى ۇسىنىلاتىن اشىق اسپان استىنداعى كينوكەشپەن اياقتالدى.
«فەستيۆال «Jaz Energy 2023» جارقىن ەستەلىكتەر مەن شابىت قالدىردى. جاستاردىڭ شىعارماشىلىق يدەيالارمەن الماسۋ ءۇشىن قالاي باس قوسقانىن كورۋ وتە جاقسى بولدى. قىزىقتى باعدارلاما مەن قالامىزدىڭ جاستارىنا قولداۋ كورسەتكەنى ءۇشىن ۇيىمداستىرۋشىلارعا ۇلكەن راحمەت!»، - دەپ پىكىر ءبىلدىردى شارا قوناعى حاناتكان ارۋجان.
فەستيۆالدى الماتى قالاسىنىڭ جاستار ساياساتىن دامىتۋ مەملەكەتتىك قورى، «Hide Park»-پەن بىرلەسىپ ۇيىمداستىردى.