«جاسىل قالا» ناۋقانى اياسىندا كوپ قاباتتى ۇيلەردىڭ اۋلاسى مەن قوعامدىق كەڭىستىكتىكتەردى كوگالداندىرۋعا نيەتتى ءاربىر الماتىلىق شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن تەگىن الا الادى، دەپ حابارلايدى almaty-akshamy.kz
ناۋقان قاتىسۋشىلارى وتىرعىزىلعان تالداردى الداعى ەكى جىل بويى كۇتىپ-باپتاۋ تۋرالى كەپىلدى مىندەتتەمەگە قول قوياتىندىعىن ەسكەرگەن ءجون. الماتى قالاسى جاسىل ەكونوميكا باسقارماسىندا «جاسىل قالا» ناۋقانىنا قاتىسۋ شارتتارى ءتۇسىندىرىلدى.
«ناۋقانعا قاتىسۋ ءۇشىن zeleniy_dvor_almaty@mail.ru ەلەكتروندى پوشتاسىنا كەلەسى مالىمەتتەردى جولداۋ قاجەت:
1. قاتىسۋشىنىڭ ءاتى-جونى مەن تەلەفون ءنومىرى، تال وتىرعىزىلاتىن ورىننىڭ ناقتى مەكەنجايى؛
2. تال وتىرعىزىلاتىن ورىننىڭ فوتوسى (ماماندارعا ورىندى تولىقتاي باعالاۋعا مۇمكىندىك بولۋى ءۇشىن پانورامالىق فورماتتا بولعانى ءجون)؛
3. سۇرالىپ وتىرعان كوشەت ءتۇرى مەن سانى. وتىنىشتەر 18-31 قازان ارالىعىندا قابىلدانادى.
كوشەتتەر كەلەسى مەكەنجايلاردا تاراتىلادى:
- الاتاۋ اۋدانى اكىمىنىڭ اپپاراتى، جانقوجا باتىر كوشەسى، 26؛
- المالى اۋدانى اكىمىنىڭ اپپاراتى، ابىلاي حان داڭعىلى، 74ا؛
- اۋەزوۆ اۋدانى اكىمىنىڭ اپپاراتى، التىنسارين داڭعىلى، 27ا؛
- بوستاندىق اۋدانى اكىمىنىڭ اپپاراتى، ايمانوۆ كوشەسى، 191؛
- مەدەۋ اۋدانى اكىمىنىڭ اپپاراتى، پۋشكين كوشەسى، 72؛
- ناۋرىزباي اۋدانى اكىمىنىڭ اپپاراتى، شۇعىلا ىقشام اۋدانى، 347؛
- جەتىسۋ اۋدانى اكىمىنىڭ اپپاراتى، سەرىكوۆ كوشەسى، 2ا؛
- تۇركسىب اۋدانى اكىمىنىڭ اپپاراتى، شولوحوۆ كوشەسى، 9.
تال وتىرعىزۋ جۇمىستارىن 1-15 قاراشا ارالىعىندا جۇرگىزىپ، فوتوەسەپ جولداۋ قاجەت.
كورسەتىلگەن ۋاقىتتان كەيىن جولدانعان وتىنىشتەر قاراستىرىلمايدى.
قوسىمشا اقپارات الۋ ءۇشىن جاسىل قوردى باقىلاۋ بولىمىنە: 272-54-89، 87479958147 تەلەفون نومىرلەرىنە حابارلاسۋعا بولادى»،- دەپ مالىمدەدى باسقارمادا.