جىل باسىنان بەرى رەسپۋبليكادا 18 مىڭ ادام كولىكتى ماس كۇيىندە باسقارعان
وكىنىشتىسى سول، اتالعان زاڭ بۇزۋشىلىققا قاتىستى تاعايىندالاتىن جازا وتكەن جىلى قاتاڭداتىلعانىمەن، ىشىمدىككە سىلقيا تويىپ رولگە وتىراتىندار سانى ازايماي وتىر، دەپ حابارلايدى Almaty-akshamy.kz
حابار 24 سايتىنىڭ اقپاراتى بويىنشا، بىلتىر قابىلدانعان زاڭ بويىنشا كولىك قۇرالىن ءمىنىپ ەسىرگەندەر 7 جىلعا جۇرگىزۋ قۇقىعىنان ايىرىلىپ، 15 تاۋلىككە قامالادى. ال جۇرگىزۋ كۋالىگىنسىز ماس كۇيىندە ۇستالعاندار تەمىر تۇلپاردى باسقارۋ قۇقىعىنان ءومىر بويىنا ايىرىلادى. بۇگىنگى كۇنى شامامەن 2 مىڭ 700 ازاماتقا وسىنداي جازا تاعايىندالدى. جالپى، جىل باسىنان بەرى پوليسيا قىزمەتكەرلەرى قوعامدىق ءتارتىپتى ساقتاۋ سالاسىندا 6 ملن-نان استام اكىمشىلىك قۇقىق بۇزۋشىلىقتىڭ جولىن كەستى. ونىڭ ىشىندە 5 ملن استامى جول-كولىك قوزعالىسى بويىنشا جاسالعان.
«وتكەن جىلمەن سالىستىرعاندا، انىقتالعان بۇزۋشىلىقتار 4 پايىزعا كوپ. سونىمەن قاتار بۇگىنگى كۇنى قۇقىقبۇزۋشىلىقتاردىڭ جولىن كەسۋگە پوليسەيلەر الدىن الۋ شارالارىن كوبىرەك قولدانادى. مىسالى، پوليسيا قىزمەتكەرلەرى شىعارعان ۇيعارىمداردىڭ 40 پروسەنتى - قۇقىق بۇزۋشىلىققا بەرىلگەن ەسكەرتۋ»، - دەيدى ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆ.