ساياباق ايماقتارىن سالۋ جانە رەكونسترۋكسيالاۋ وبەكتىلەرىن ارالاۋ بارىسىندا الماتى قالاسى اكىمىنىڭ ورىنباسارى الىشەر ءابدىقادىروۆقا ەسەنتاي وزەنىنىڭ ارناسى بويىنداعى جاعالاۋدى ("كوكمايسا" ش/ا، جەتىسۋ اۋدانى) سالۋ جوباسىنىڭ 80 پايىزعا ورىندالعاندىعى تۋرالى باياندالدى.
بۇگىنگى تاڭدا اعاشتاردى سانيتارلىق كەسۋ جانە الىپ تاستاۋ، كوگالداندىرۋ، جيەكتەردى، پورەبريكتەردى ورناتۋ، سۋارۋ جۇيەسىنىڭ سىرتقى جارىقتاندىرۋ كابەلى مەن قۇبىرلارىن تارتۋ، رەزەرۆۋاردى، كشپ (كىشى ساۋلەت پىشىندەرى) جانە سىرتقى جارىقتاندىرۋ تىرەكتەرىن ورناتۋ، سپورت الاڭىن مونتاجداۋ جۇمىستارى اياقتالدى.
كەلىسىم شارت بويىنشا جۇمىستار 2022 جىلدىڭ 30 تامىزىندا اياقتالۋى ءتيىس ەدى، الايدا مەردىگەر ۇيىمنىڭ جۇمىستاردى دۇرىس ورىنداماۋى سالدارىنان مەرزىمدەر بىرنەشە رەت اۋىستىرىلدى. 2022 جىلعى 21 قىركۇيەكتە الماتى قالاسى ەكولوگيا جانە قورشاعان ورتا باسقارماسى سوتقا تالاپ ارىز بەرۋگە باستاماشىلىق جاسادى، ونىڭ قورىتىندىسى بويىنشا مەردىگەر ۇيىم ("Jasyl el Qyrylys" ج ش س) مەملەكەتتىك ساتىپ الۋدىڭ جوسىقسىز قاتىسۋشىسى بولىپ تانىلدى. الماتى قالالىق سوتىنىڭ 23.02.2023 جىلعى قاۋلىسىمەن شەشىم وزگەرىسسىز قالدىرىلدى جانە زاڭدى كۇشىنە ەندى.
جۇمىستىڭ قالدىق تۇرلەرىنە لوكالدى سمەتالىق ەسەپ جاسالدى، جەتكىزۋشىنى انىقتاۋعا اشىق كونكۋرس جاريالاندى. كونكۋرستىق راسىمدەردىڭ اياقتالۋ مەرزىمى 2023 جىلعى 29 تامىز، قۇرىلىس-مونتاج جۇمىستارىنىڭ اياقتالۋ مەرزىمى-2023 جىلعى 30 قاراشاعا دەيىن.
وسى مەردىگەرلىك ۇيىممەن تۇركسىب اۋدانىندا كەلىسىم شارت بۇزىلدى، وندا "جەلتوقسان"ساياباعىن اباتتاندىرۋ جوباسى بويىنشا جۇمىستاردى اياقتاۋ مەرزىمدەرى دە بۇزىلدى. قازىرگى ۋاقىتتا وبەكتىدە سىرتقى جارىقتاندىرۋ كابەلى مەن تىرەكتەرىن، سۋارۋ جۇيەسىنىڭ قۇبىرلارىن بولشەكتەۋ، كوگالداندىرۋ، جابىندى توسەۋ، پورەبريك پەن كسپ-ىن ورناتۋ، سپورت الاڭىن مونتاجداۋ جۇمىستارى جۇرگىزىلدى. نىساننىڭ قۇرىلىسىن اعىمداعى جىلدىڭ 30 قاراشاسىنا دەيىنگى مەرزىمدە اشىق كونكۋرستىڭ قورىتىندىسى بويىنشا ايقىندالعان "ينتەللەكت كيپيا سەرۆيس" ج ش س اياقتايدى. مەردىگەر ۇيىمعا ساياباقتى اباتتاندىرۋ جۇمىستارىن ساپالى اياقتاۋ تاپسىرىلدى.