اعاشتىڭ جاعدايىن جاقسارتۋ، ساقتاۋ جانە ءارتۇرلى زياندى ورگانيزمگە توزىمدىلىگىن ارتتىرۋ ءۇشىن الماتى قالاسىندا جاسىل جەلەكتەردى بيولوگيالىق وڭدەۋ جۇمىستارى جۇرگىزىلۋدە. جاقسى اسەر ەتۋ جانە تيىمدىلىكتى ارتتىرۋ ءۇشىن بۇل تۇنگى ۋاقىتتا، جاۋىن-شاشىن جوق كەزدە جۇرگىزىلەدى، دەپ حابارلادى aqshamnews.kz
جىل سايىن بيولوگيالىق وڭدەۋ ءتورت كەزەڭمەن جۇرگىزىلەدى. بيىل العاشقى ەكى كەزەڭ مامىر جانە ماۋسىمدا ءوتتى. وڭدەۋدىڭ ءۇشىنشى كەزەڭى جالعاسۋدا، بۇل جاۋىن-شاشىن بولماعان كەزدە جۇرگىزىلەدى. كۇن اشىق كەزدە بيووڭدەۋدىڭ ءتورتىنشى كەزەڭى تامىزدىڭ ورتاسىندا باستالادى دەپ جوسپارلانعان.
بۇل جۇمىسقا كليماتتىق فاكتوردى ەسكەرە وتىرىپ، ق ر اۋماعىندا قولدانۋعا رۇقسات ەتىلگەن جانە ادامعا، قۇس پەن جانۋارعا زيانسىز، ءقاۋپى از سەرتيفيكاتتالعان بيولوگيالىق جانە كەيبىر جاعدايدا حيميالىق پرەپاراتتار (پ-4) پايدالانىلادى.
جاپىراق جەيتىن زيانكەستەر مەن زەڭ اۋرۋلارىنىڭ قوزدىرعىشتارىنا قارسى ەمدەۋ 2،3 ميلليوننان استام اعاشتى وڭدەۋ جوسپارلانىپ وتىر. زيانكەستەر مەن اۋرۋلار بيولوگياسىنىڭ ەرەكشەلىگىن ەسكەرىپ، وڭدەۋ تۇندە جانە تاڭەرتەڭ جۇرگىزىلەدى.