كەشە، ياعني، شىلدە ايىنىڭ 24-ىنەن 25-ىنە قاراعان ءتۇنى بوستاندىق اۋدانىنىڭ ءورت ءسوندىرۋ بولىمشەلەرى تورايعىروۆ كوشەسىندەگى ءورت شىققان ورىنعا جىبەرىلدى.
بۇل وقيعا جايلى ashamnews.kz الماتى قالاسىنىڭ توتەنشە جاعدايلار دەپارتامەنتىنە سىلتەمە جاساي وتىرىپ حابارلايدى.
وقيعا ورنىنا 17ء-وسب قاراۋىل باستىعى جانۇزاق ەندىبايەۆ پەن 1ء-موسب اعا ينجەنەرى ۆيليكا مەرەكەيەۆتىڭ باسشىلىعىمەن كەلگەن ءورت سوندىرۋشىلەر 3 مينۋتتا كەلگەن ساتتە تۇرعىن ءۇيدىڭ توعىزىنشى قاباتىندا پاتەردىڭ اشىق جالىنمەن جانىپ جاتقانىن انىقتادى.
ءورت 20 شارشى مەتر اۋماقتا بالكون، اس ءۇي جانە ءۇش بولمەلى پاتەردەگى بولمەنى شارپىعان. پاتەر تۇرعىندارىنىڭ ومىرىنە ءقاۋىپ ءتونىپ، تەمپەراتۋرا جوعارى بولعاندىقتان، قارت ادامدار كىرەبەرىس ەسىكتەن شىعا المادى.
اعا ينجەنەر ۆيليك مەرەكەيەۆ دەرەۋ ەۆاكۋاسيالاۋ-قۇتقارۋ جۇمىستارىن جۇرگىزۋ تۋرالى شەشىم قابىلدادى. بارلاۋ جانە ءورتتى ءسوندىرۋ بارىسىندا جانىپ جاتقان پاتەردەن ەكى ادام: 57 جاستاعى ەر ادام مەن 55 جاستاعى ايەل قۇتقارىلدى، كورشى پاتەردەن 6 ادام ەۆاكۋاسيالاندى. جەدەل جاردەم بريگاداسى قۇتقارىلعان قارت ەرلى-زايىپتىلاردى قاراپ، ۇيلەرىنە جىبەردى.
جەدەل ارەكەتتەرمەن ءورت 28 مينۋتتا وقشاۋلانىپ ءسوندىرىلدى. قابىلدانعان شارالاردىڭ ارقاسىندا ادامدار زارداپ شەككەن جوق، ءورت كورشى پاتەرگە تارالمادى.