بۇل تۋرالى وكق بريفينگىندە الماتى قالاسىنىڭ اكىمى ەربولات دوسايەۆ مالىمدەدى.
«وسى جىلدىڭ قاڭتار ايىندا الماتى قالاسى جاسىل جەلەكتەردى كۇتىپ ۇستاۋ جانە قورعاۋ بويىنشا جاڭا ەرەجەلەر قابىلدادى. 2023 جىلدان باستاپ سۋارۋ جۇيەسى جۇرگىزىلگەننەن كەيىن عانا كەمىندە 2-2، 5 مەتر كوشەت وتىرعىزۋدى كوزدەيتىن جاڭا ءتاسىل قولدانىلادى»، - دەپ اتاپ ءوتتى قالا باسشىسى.
وسى ەرەجەلەردىڭ جانە 34 سكۆاجينالار مەن سۋ قابىلداعىشتاردى سالۋ ارقاسىندا جاسىل جەلەكتەردى اۆتوسۋارۋمەن قامتۋ 2022 جىلى 132 گەكتاردان 4،4 ەسەگە، ياعني 587 گەكتارعا دەيىن ۇلعايدى. قالانى كوگالداندىرۋ ءۇشىن جىل باسىنان بەرى 291 مىڭ اعاش پەن بۇتا وتىرعىزىلدى. سانيتارلىق ماقساتتا 2،3 ملن اعاش وڭدەلدى.
ناتيجەسىندە، 2023 جىلى ىلە-الاتاۋ ۇلتتىق پاركىنىڭ جاسىل جەلەكتەرىن ەسەپكە الماعاندا، جاسىل جەلەكتەردىڭ الاڭى 11،3-تەن 12،3 شارشى مەترگە دەيىن ۇلعايدى.