ەكى جىلدىڭ ىشىندە الماتىداعى ساياباقتاردىڭ اۋدانى 400 گەكتارعا ۇلعايدى، دەپ حابارلادى قالا باسشىسى ەربولات دوسايەۆ وكق بريفينگىندە.
الماتىداعى ىقشاماۋدانداردا 3 جاڭا ساياباق سالۋ كوزدەلۋدە. وجەت، كەمەل جانە بورالداي وزەنىنىڭ بويىندا، سونداي-اق قولدانىستاعى 3 ساياباق ايماعىن — باۋم توعايىن، ق ر تۇڭعىش پرەزيدەنتى ساياباعىن، ۇلكەن الماتى وزەنىنىڭ جاعالاۋىن قايتا جاڭارتۋ جانە اباتتاندىرۋ جوسپاردا بار.
قالا باسشىسى اتاپ وتكەندەي، 2022-2023 جىلدارى ساياباق اۋماقتارىنىڭ اۋدانى 397 گەكتارعا 977 گەكتارعا دەيىن كەڭەيتىلىپ، 2024 جىلى 1 080 گەكتارعا دەيىن ۇلعايتىلماق.
بيىل اۋدانى 64،8 گا 6 قوعامدىق كەڭىستىك اباتتاندىرىلدى: وقۋشىلار سارايى، قبتۋ، بايسەيىتوۆا كوشەسى، جەلتوقسان ساياباعى، كوكمايسا ىقشاماۋدانى، اۋەجايدىڭ داڭق الاڭى.
سوڭعى 50 جىلدىڭ ە ىشىندە العاش رەت سايران كولىن مەحانيكالىق تازارتۋ جۇرگىزىلىپ، ونىڭ جاعاسىندا جاڭا جاسىل قوعامدىق كەڭىستىكتىڭ قۇرىلىسى باستالدى. جوسپار بويىنشا بۇل قوعامدىق كەڭىستىك حالىقتىڭ پايدالانۋىنا 2025 جىلى بەرىلەدى.