بۇل تۋرالى وكق بريفينگىندە الماتى قالاسىنىڭ اكىمى ەربولات دوسايەۆ مالىمدەدى.
2022 جىلى زەرتتەۋ جۇرگىزىلىپ، تۇراقتى سۋ باسۋدىڭ 102 سىني ۋچاسكەسى انىقتالدى. ونىڭ ىشىندە 2022 جىلى 46 سۋ باسۋ ۋچاسكەسى، بيىل قالعان 56 ۋچاسكە جويىلدى.
بيىل قوسىمشا 33 ۋچاسكە انىقتالدى. ولار ارىق جەلىلەرىن دامىتۋ اياسىندا جويىلۋدا. 60 جىلدا العاش رەت الماتىلىقتار اراسىندا تانىمال اۋەجاي كولىنىڭ ءتۇبىن مەحانيكالىق تازارتۋ باستالدى. 19 كوللەكتور مەن 9 كانال سالىنىپ، قالپىنا كەلتىرىلدى. 3 وزەن ارناسىنىڭ جاعالاۋ سىزىعى نىعايتىلدى.
جىل باسىنان بەرى 103،5 شاقىرىم ارىق جەلىسى سالىنىپ، قايتا جاڭارتىلدى. 2024 جىلدىڭ سوڭىنا دەيىن ارىق جۇيەسىن قالپىنا كەلتىرۋ مەن ونى دامىتۋ — سۋ باسۋ مەن سۋارۋدى قامتاماسىز ەتۋ ماسەلەلەرىن شەشۋگە مۇمكىندىك بەرەدى.