الماتى قالاسى ءتورتىنشى قالالىق اۋرۋحانانىڭ قىزمەتكەرلەرى 28 ليتر قان تاپسىرد
بۇگىن №4 قالالىق كلينيكالىق اۋرۋحانادا «دونور بول – ءومىر سىيلا» اتتى شارا ءوتتى. اۋرۋحانا قىزمەتكەرلەرى 28 ليتر قان تاپسىردى.
دونورلىق اكسياعا قاتىسۋعا بارلىعى 90 ادام نيەت ءبىلدىردى. ىرىكتەۋ ناتيجەلەرى مەن دەنساۋلىق جاعدايى بويىنشا 61 ادامعا قان تاپسىرۋعا رۇقسات بەرىلدى.
«بيىل ءبىزدىڭ ۇجىم «دونور بول» اكسياسىنا ەكىنشى رەت قاتىسىپ وتىر، ءساۋىر ايىندا كلينيكادا وتكەن ناۋقاندا قىزمەتكەرلەرىمىز 27 ليتر قان مەن ونىڭ كومپونەنتتەرىن تاپسىردى. دونورلىق قان قۇيۋدى قاجەت ەتەتىن ادامداردىڭ ءومىرىن امان الىپ قالۋعا كومەكتەسەتىنىن ءتۇسىنۋ كەرەك. ناۋقاسقا قان جازاتايىم وقيعا، وپەراسيا، بوسانۋ جانە باسقا دا مەديسينالىق پروسەدۋرا كەزىندە قاجەت بولۋى مۇمكىن. قان مەن ونىڭ قۇرامداس بولىكتەرى انەميا، قاتەرلى ىسىك، گەموفيليا جانە ت.ب. ءتۇرلى اۋرۋلاردى ەمدەۋگە قاجەت بولادى»، - دەيدى No4 قالالىق كلينيكالىق اۋرۋحانا ديرەكتورىنىڭ ورىنباسارى تيمۋر رايمجانوۆ.
ءتورتىنشى قالالىق اۋرۋحانا ەلىمىزدە جەدەل تراۆماتولوگيالىق جانە حيرۋرگيالىق كومەك كورسەتەتىن فلاگمان رەتىندە تانىمال. اۋرۋحانا دارىگەرلەرى گەموترانسفۋزياعا - ناۋقاسقا قان مەن ونىڭ كومپونەنتتەرىن قۇيۋعا ءجيى جۇگىنەدى. مۇندا تاۋلىگىنە 2 ليترگە جۋىق قان قۇيىلادى.
دونور قانى كەلەسى جاعدايدا ادام ءومىرىن امان الىپ قالۋى مۇمكىن:
- جاراقات، وپەراسيا نەمەسە بوسانۋ سالدارىنان قان جوعالتۋ كەزىندە؛
- تەمىر، دارۋمەندەر نەمەسە باسقا قورەكتىك زاتتاردىڭ جەتىسپەۋشىلىگىنەن تۋىنداعان انەميا كەزىندە؛
- لەيكوز، ليمفوما، ميەلوما جانە باسقا قان اۋرۋلارى كەزىندە؛
- قان ۇيۋىنىڭ بۇزىلۋىمەن بايلانىستى گەموفيليا جانە باسقا دا تۇقىم قۋالايتىن اۋرۋلار كەزىندە؛
- قاننىڭ جوعالۋىنا نەمەسە ءقانتۇزۋ مۇشەلەرى قىزمەتىنىڭ بۇزىلۋىنا اكەلەتىن ىسىك اۋرۋلارى كەزىندە؛
- سەپسيس نەمەسە بەزگەك سياقتى جەدەل جۇقپالى اۋرۋلار كەزىندە؛
- قاتەرلى ىسىكتى ەمدەۋ، ورگانداردى ترانسپلانتاسيالاۋ نەمەسە باسقا مەديسينالىق پروسەدۋرالاردا قان قاجەتتىلىگىنىڭ ارتۋى كەزىندە.
قان تاپسىرۋ – ادام ءومىرىن ساقتاپ قالۋعا جانە اۋرۋمەن كۇرەسۋگە كومەكتەسەتىن وتە ماڭىزدى پروسەسس. قان دونورى بولعىڭىز كەلسە، قالالىق قان ورتالىعىنا حابارلاسىڭىز.